ފާދިއްޕޮޅު ނައިފަރުގައި ހުންނަ ޅ.އަތޮޅު ހޮސްޕިޓަލްގައި މަސައްކަތް ކުރައްވާ، އަންހެނުންގެ ޚާއްޞަ ޑޮކްޓަރު މަޤާމުގެ މަސްޢޫލިއްޔަތުތަކުން އެކަހެރިކޮށް ސަސްޕެންޑްކޮށްފިއެވެ.

ސަސްޕެންޑް ކުރި ޑޮކްޓަރަކީ، މިސްރަށް ނިސްބަތްވާ ޑޮކްޓަރެކެވެ. އޭނާގެ ސަަބަބުންް އާއްމު އުނދަގުލަކަށްވެގެން ސަސްޕެންޑްކުރިއިރު. ހޮސްޕިޓަލްގައި އެ ޑޮކްޓަރުގެ އަމަލުތައް ހުންނަ ގޮތުން އޮޕަރޭޝަން ތިއޭޓަރަށްވެސް އޭނާއަށް ނުވަދެވޭ ގޮތަށް މީގެ ކުރިން ފިޔަވަޅު އަޅަން ޖެހުނު ކަމުގައި އެހޮސްޕިޓަލުން ރާއްޖޭގެ ބައެއް މީޑިއާތަކަށް މައުލޫމާތު ދީފައެވެ.

އާއްމުންގެ ތެރެއަށް ނުކުމެ އާއްމުންގެ ތަކެއްޗާއި މުދަލަށް ގެއްލުންދިނުމާއި، މީހުންނާއި އަރާރުންވެ ޒުވާބު ކުރުން ފަދަ ކަންކަމުގެ ޝަކުވާ އާއްމުންގެ ފަރާތުން ވަނީ އެޑޮކްޓަރާއި ދެކޮޅަށް ކަމާއި ބެހޭ ފަރާތްތަކަށް ހުށައަޅާފައެވެ.

ޅ. އަތޮޅު ހޮސްޕިޓަލްގައި ތިއްބަވަނީ އަންހެނުންގެ ބަލިތަކަށް ޚާއްޞަ ދެ ޑޮކްޓަރުންނަށް ވާއިރު އޭގެތެރެއިން އެއްޑޮކްޓަރަކުން މިވަގުތު ހުންނެވީ ޗުއްޓީގައެވެ. 

ސަސްޕެންޑް ކުރި އެޑޮކްޓަރުގެ ޢަމަލުތައް ހުންނަ ގޮތުން އޭނާގެ ކިބައިގައި ނަފްސާނީ މައްސަލަތަކެއް ހުރިކަމަށްވެސް އާއްމުން ތުހުމަތު ކުރެއެއެވެ.