Advertisement
ރައީސް ނަޝީދު --
ރައީސް ނަޝީދު ސިޔާސީ ކަންކަމާއި ދުރަށް ވަޑައިގެންފިކަން އެމަނިކުފާނު އިއުލާނުކުރައްވައިފި
ކުރީގެ ރައީސުލްޖުމްހޫރިއްޔާ އަދި ރައްޔިތުންގެ މަޖިލީހުގެ ކުރީގެ ރައީސް މުޙައްމަދު ނަޝީދު ސިޔާސީ ކަންކަމާއި ދުރަށް ޖެހިވަޑައިގެންފިކަން އެމަނިކުފާނު އިޢުލާނު ކުރައްވައިފިއެވެ.
މިރޭ އެމަނިކުފާނު އެކްސްގައި އާއްމު ކުރެއްވި ބަޔާނެއްގައި ވިދާޅުވީ، އެމަނިކުފާނު ސިޔާސީ މަސައްކަތްތަކުން މިވަގުތު ދުރަށްޖެހިވަޑައިގެންނެވުމަށް ނިންމަވާފައިވާ ކަމަށެވެ. އަދި އަންނަ ޖެނުއަރީ މަހުން ފެށިގެން އެމަނިކުފާނު ވަޒީފާ އަދާކުރައްވާނީ، ކްލައިމެޓް ވަލްނަރަބަލް ފޯރަމްގެ ސެކްރެޓަރީގެ ޖެނެރަލްގެ މަގާމުގައި ކަމަށެވެ.
ރައީސް ނަޝީދުގެ ބަޔާނުގައި ވިދާޅުވީ، އެމަނިކުފާނު ދެކެވަޑައިގަންނަވާ ގޮތުގައި އެ ޖަމާއަތުގެ ވަޒީފާގައި ހުރެ، އެމަނިކުފާނަށް ރާއްޖެ އަށް ހިދުމަތްކޮށްދެވޭ މިންވަރު އިންތިހާއަށް ތަނަވަސްވާނެ ކަމަށެވެ.
ރައީސް ނަޝީދުގެ ބަޔާނުގައި ވަނީ، އެމަނިކުފާނު މިހާރު މަޖިލީހުގައި ތަމްސީލް ކުރައްވަމުން ގެންދަވާ، މައްޗަންގޮޅި މެދުދާއިރާގެ މެމްބަރުންނަށްވެސް ޝުކުރުއަދާކުރައްވާފައެވެ.
