Finance Minister ge Advisor innah Minister fenvarugai kureege...

Advertisement

ފިނޭންސް މިނިސްޓަރުގެ އެޑްވައިޒަރުންނަށް ޢައްޔަނުކުރެއްވި ބޭފުޅުންނާއި ރައީސުލްޖުމްހޫރިއްޔާ ވާހަކަފުޅު ދައްކަވަނީ ---

12 Dec 2023

ޚަބަރު

ޢަލީ ސުލައިމާން

ފިނޭންސް މިނިސްޓަރުގެ އެޑްވައިޒަރުންނަށް މިނިސްޓަރ ފެންވަރުގައި ކުރީގެ ފިނޭސް މިނިސްޓަރަކާއި ކުރީގެ ގަވަރުނަރު ޢައްޔަނުކުރައްވައިފި

މިސަރުކާރުގެ ފިނޭންސް މިނިސްޓަރުގެ އެޑްވައިޒަރުންނަށް މިނިސްޓަރ ފެންވަރުގައި ކުރީގެ ފިނޭސް މިނިސްޓަރަކާއި ކުރީގެ ގަވަރުނަރަކު ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު މިއަދު ޢައްޔަނުކުރައްވައިފިއެވެ.

އެޑްވައިޒަރ ޓު ދަ މިނިސްޓަރ އޮފް ފިނޭންސްގެ މަގާމަށް ޢައްޔަނުކުރައްވައި މިއަދު މަޤާމުގެ ފަތްކޮޅު ދެއްވާފައި ވަނީ، ކުރީގެ ގަވަރުނަރު، އަޙްމަދު ނަޞީރަށާއި ކުރީގެ ފިނޭންސް މިނިސްޓަރ އަޙްމަދު މުނައްވަރަށެވެ. މިބޭފުޅުންނަށް މަޤާމުގެ ފަތްކޮޅުދެއްވުމުގެ ރަސްމިއްޔާތު ބާއްވާފައި ވަނީ މިއަދު މެންދުރުކުރީގައި ރައީސުލްޖުމްހޫރިއްޔާގެ އޮފީހުގައެވެ.

މިނިސްޓަރާއި އެއްފެންވަރުގައި ޢައްޔަނުކުރެއްވި މިދެ ބޭފުޅުންގެ މަސްޢޫލިއްޔަތުތަކުގެ ތެރޭގައި ހިމެނެނީ ވަޒީރުންނަށް ބޭނުންވާ މާލީ އިރުޝާދުތައް ދިނުންކަމުގައި ރައީސުލްޖުމްހޫރިއްޔާގެ އޮފީހުން ހާމަކުރައްވައެވެ.

މިސަރުކާރުގެ ފިނޭންސް މިނިސްޓަރަކީ، ޑޮކްޓަރ މުޙައްމަދު ޝަފީޤެވެ.

މިނިސްޓަރުންގެ ފެންވަރުގައި މިސަރުކާރުގައި ތިއްބެވި، ބޭފުޅުންގެ މިހާރުގެ އަދަދަކީ، 41 އެވެ.

ޚަބަރު ފިނޭންސް މިނިސްޓަރ ރައީސުލްޖުމްހޫރިއްޔާގެ އޮފީސް

ކޮމެންޓް

އިތުރު އާޓިކަލް

މީހަކު ހުޅުމާލެ ސަހަރާ މިސްކިތަށް އަރައި މުދިމަށް ވަޅިން ހަމަލާދޭން އުޅެފި

ފުލުހުންގެ ތަރުޖަމާނު އަޙްމަދު ޝިފާން ވިދާޅުވީ، މިހާރު އެމީހާ ވަނީ ހައްޔަރުކޮށްފައި ކަމަށެވެ. އެމީހާ ފުރަތަމަ މިސްކިތަށް އަރައި ހަމަލާދޭން އުޅުމުން މިސްކިތުގައި ތިބި މީހުން އެމީހާ ހުއްޓުވާފައިވާ ކަމަށާއި، މިސްކިތުން ނުކުތުމަށްފަހު އޭނާ ވަނީ، މަގުމަތިން އޭނާ ހުއްޓުވި ފުލުސް މީހާއަށްވެސް ވަޅި ހަމަލާދޭން މަސައްކަތްކޮށްފައި ކަމުގައި ޝިފާން ވިދާޅުވިއެވެ.

ޝާހިދު ވިދާޅުވީ ޤާނޫނު އަސާސީއަށް ގެނައި އިސްލާހާއިއެކު ޑިމޮކްރަސީގެ އިރު އޮއްސުނީކަމަށް!

ޝާހިދު ވިދާޅުވީ، އިއްޔެ ރައްޔިތުންގެ މަޖިލީހުން ޤާނޫނު އަސާސީއަށް ގެނައި ބަދަލުތައް ފާސްކުރި ވަގުތު ދިމާވީ އިރުއޮއްސުނު ވަގުތާއި ކަމަށާއި އެހެން ކަމުން އެމަނިކުފާނަށް ސިފަކުރެވުނީ، އެއީ ރާއްޖޭގެ ޑިމޮކްރަސީއަށްވެސް އިރު އޮއްސިގެން ދިޔުން ކަމަށެވެ.

ނައިބު ރައީސް ފަރެސްމާތޮޑާ ދާއިރާގެ މަޖިލިސް މެމްބަރާއި ފިޔޯރީ ކައުންސިލްގެ ރައީސާ ބައްދަލުކުރައްވައިފި

މި ބައްދަލުކުރެއްވުމުގައި ފިޔޯރީގެ ތަރައްޤީއަށް ބޭނުންވާ ކަންކަމާއި ރައްޔިތުން އެންމެ ބޭނުންވާ ކަންކަމާގުޅޭގޮތުން މަޝްވަރާކުރެއްވިއެވެ. އެގޮތުން ރަށުގެ ޒުވާނުން މިވަގުތު ފުޓުބޯޅަ ކުޅުމަށްޓަކައި ރަށުގެ ބޮޑު ސްޓޭޑިއަމްގައި ޓާފު އެޅުމަށް ބޭނުންވާކަމަށާއި، ރަށުގައި ޒުވާނުންގެ މަރުކަޒެއް ޤާއިމުކޮށްދެއްވުމަށް ކައުންސިލް ރައީސާއި ދާއިރާގެ މަޖިލީސް މެންބަރު އެދިވަޑައިގެންނެވިއެވެ. ހަމައެއާއެކު، ރަށުގައި އޭ.ޓީ.އެމް ގެ ޚިދުމަތް ނެތުމުން ރައްޔިތުންގެ ހުރި ކަންބޮޑުވުންތައް އެބޭފުޅުން ޙިއްޞާކުރެއްވިއެވެ.

ރައީސް ވިދާޅުވީ ޤާނޫނު އަސާސީއަށް ކުއްލި ގޮތަކަށް ގެނައި އިސްލާޙަކީ، ހަމަޖެހުން ޤާއިމްކުރުމަށް ގެނައި ބަދަލެއް ކަމަށް!

އެމަނިކުފާނު ރޭ އިނގިރޭސި ވިލާތަށް ފުރާ ވަޑައިގެންނެވުމުގެ ކުރިން ދެއްވި މި އިންޓަރވިއުގައި ވިދާޅުވީ، ރާއްޖޭގެ ސަރަޙައްދަށް ބަދަލެއް ގެންނަ ނަމަ މީގެ ކުރިން އޮންނަނީ، ރައްޔިތުންގެ މަޖިލީހުގެ ތިންބައިކުޅަ ދެބައިގެ އަޣްލަބިއްޔަތުން ފާސްވުން ކަމަށާއި، އެހެންނަމަވެސް މިއަދު ގެނައި އިޞްލާޙާއެކު އެކަން އިތުރަށް ވަރުގަދަވެ، ރައްޔިތުންގެ މަޖިލީހުގެ ހަތަރުބައިކުޅަ ތިންބައިގެ ތަނަވަސް އަޣްލަބިއްޔަތަކުން ފާސްކުރަން ޖެހޭގޮތަށް ކަނޑައެޅުނީ ކަމުގައި ރައީސް ވިދާޅުވިއެވެ.