މާލޭ ސިޓީ ކައުންސިލްގެ ބައި އިލެކްޝަންގައި ވާދަކުރައްވާ އެމްޑީޕީގެ ކެންޑިޑޭޓުންގެ ކެންޑިޑެންސީ އިލެކްޝަންސް ކޮމިޝަނަށް މިއަދު ހުށައަޅައިފިއެވެ.

އިލެކްޝަންސްކޮމިޝަނުގައި މިއަދު ކުރިޔަށް ގެންދިޔަ ރަސްމިއްޔާތުގައި ކޮމިޝަނާއި ކެންޑިޑެންސީ ފޯމް ހަވާލުކުރެއްވީ، އިންތިޚާބުގައި ވާދަކުރައްވާ ކެންޑިޑޭޓުންނެވެ.

މާލޭ ސިޓީ ކައުންސިލްގެ ބައި އިލެކްޝަންގައި މާލޭގެ މޭހަރު ކަމުގެ މަޤާމަށް ވާދަކުރެއްވުމަށް ކެންޑިޑެންސީ ހުށައަޅުއްވާފައި ވަނީ އާދަމް އާޒިމެވެ. މީގެ އިތުރުން މާލޭ ސިޓީކައުންސިލްގެ އެމްޑީޕީގެ ޓިކެޓްގައި ވާދަކުރެއްވުމަށް ކެންޑިޑެންސީ ހުށައެޅުއްވީ، ހެންވޭރު ދެކުނު ދާއިރާއަށް، ޙައްވާ ނިޙްލާ އާއި،  މާފަންނު ދެކުނު ދާއިރާއަށް، އަޙްމަދު އިމްރާނާއި، މެދުހެންވޭރު ދާއިރާއަށް، އަޙްމަދު ރިޝްވާން އެވެ.

މާލޭ ސިޓީ ކައުންސިލްގެ އިންތިޚާބު ބޭއްވުމަށް ހަމަޖައްސާފައި ވަނީ، 2024 ޖެނުއަރީ 13 ވާ ހޮނިހިރު ދުވަހުގައެވެ. އަދި މި އިންތިޚާބުގައި ވާދަކުރަން ބޭނުންވާ ފަރާތްތަކަށް، 2023 ޑިސެންބަރު 13 ވާ ބުދަ ދުވަހުގެ 14:00 ގެ ނިޔަލަށް އިލެކްޝަންސް ކޮމިޝަނުން ވަނީ ފުރުޞަތު ހުޅުވާލާފައެވެ.