ރައީސް ޔާމީނުގެ ސަރުކާރުގައި ވަޒީރުކަން ކުރައްވާފައިވާ ދެބޭފުޅަކު، ދެޤައުމަކަށް ރާއްޖެއިން ކަނޑައަޅުއްވާ ސަފީރުންގެ ގޮތުގައި ހަމަޖެއްސެވުމަށްޓަކައި ރައްޔިތުންގެ މަޖިލީހުގެ ރުހުން ހޯއްދެވުމަށް ރައީސުލްޖުމްހޫރިއްޔާ ހުށައަޅުއްވައިފިއެވެ.

ސަފީރުކަމަށް އައްޔަނުކުރެއްވުމަށް ރައީސުލްޖުމްހޫރިއްޔާ ރުހުން ހޯއްދެވުމަށް ފޮނުއްވި ދެބޭފުޅުންނަކީ، މުޙައްމަދު ޙުސައިން ޝަރީފާއި، އިރްތިޝާމް އާދަމްއެވެ. 

މުޙައްމަދު ހުސައިން ޝަރީފްއަށް ރުހުން ހޯދުމަށް ހުށައަޅުއްވާފައި ވަނީ، ޔޫއޭއީގެ ސަފީރުކަމަށް އޭނާ އައްޔަނު ކުރެއްވުމަށެވެ. އަދި އިރްތިޝާމަށް ރުހުން ހޯދުމަށް ހުށައަޅުއްވާފައި ވަނީ، އިނގިރޭސި ވިލާތަށް ރާއްޖެއިން ކަނޑައަޅާ ސަފީރުގެ ގޮތުގައި އޭނާ އައްޔަނުކުރެއްވުމަށެވެ.

މީގެ އިތުރުން އދ. އިން ދިވެހިރާއްޖެއަށް ކަނޑައަޅާ ދާއިމީ މަންދޫބުގެ ގޮތުގައި، ޑޮކްޓަރ ޢަލީ ނަސީރް މުޙައްމަދަށް ރުހުން ހޯއްދެވުމަށްވެސް ރައީސުލްޖުމްހޫރިއްޔާ ވަނީ ރައްޔިތުންގެ މަޖިލީހަށް ހުށައަޅުއްވާފައެވެ.