ދިވެހި ސަރުކާާރުން ޗައިނާގެ ކިބައިން މަޢާފަށް އެދިފައިވާ ކަމުގައި ޗައިނާ ސަފީރު ވިދާުޅުވެއްޖެއެވެ.

ސަރުކާރުން ޗައިނާގެ ކިބައިން މަޢާފަށް އެދުނީ، ދިވެހިރާއްޖެއިން ޕީޕަލްސް ރިޕަބްލިކް އޮފް ޗައިނާއަށް އައު ސަފީރަކު ކަނޑައެޅުމަށް ރައީސުލްޖުމްހޫރިއްޔާ ރައްޔިތުންގެ މަޖިލީހަށް ފޮނުއްވި ސިޓީފުޅުގައި ލިޔުމުގެ ކުށަކުން ރިޕަބްލިކް އޮފް ޗައިނާ ލިޔެވިފައި އޮތުމުންނެވެ. ރިޕަބްލިކް އޮފް ޗައިނާއަކީ ޓައިވާނެއެވެ. އެއީ ޕީޕަލްސް ރިޕަބްލިކް އޮފް ޗައިނާގެ މައި ބިމާ ވަކިން އޮންނަ ޕީޕަލްސް ރިޕަބްލިކް އޮފް ޗައިނާގެ ބަޔަކަށްވީނަމަވެސް ޓައިވާނުން އަންނަނީ މިނިވަން ވަކި ދައުލަތަކަށް ވުމަށް މަސައްކަތް ކުރަމުންނެވެ. 

މަޝްރަހް ގޯސްވީ ރައްޔިތުންގެ މަޖިލީހަށް ފޮނުވި ސިޓީގައި އޮތް އެ އިމްލާކުށް އެއީ ސިޔާސީ ކަމަކަށް ހަދައިގެން ބޮޑުކޮށްލި ހިސާބުންނެވެ.

ޗައިނާއިން ރާއްޖެއަށް ކަނޑައަޅުއްވާފައިވާ ސަފީރު، އެއީ އިދާރީ ގޮތުން އަޅާފައިވާ އޮޅުމެއްކަން ސާފުކޮށްދީ މިނިސްޓްރީ އޮފް ފޮރިން އެފެއާޒުން މަޢާފަށް އެދިފައިވާ ކަަމަށާއި، ރާއްޖެއިން ދަަމަހައްޓާނީ އެއްޗައިނާގެ ސިޔާސަތުކަން ކަށަވަރުކޮށްދެއްވާފައިވާ ކަމަށެވެ.

ރާއްޖެއަކީ ޗައިނާ އާއި ޒަމާންވީ ގާތްގުޅުމެއް ބާއްވަމުން އަންނަ ޤައުމެކެވެ.