ފަންސާހަށް ވުރެ ގިނަ ދަނޑު ވަރަށް އަވަހަށް ނިމޭނެކަމުގައި ޔޫތު މިނިސްޓަރ އަހުމަދު މަޚުލޫފް ވިދާޅުވެއްޖެއެވެ. 

މިނިސްޓަރ މަޚުލޫފް މިހެން ވިދާޅުވީ، އއ. ބޮޑުފުޅުދޫގައި މިސަރުކާރުން އެޅި ޓާފް ދަނޑުގެ މަސައްކަތް ނިމިފައިވާކަން ފާހަގަކުރައްވައި ކުރެއްވި ޓްވީޓެއްގައެވެ.

މިނިސްޓަރ މަޚުލޫފު ވިދާޅުވީ، ރާއްޖޭގެ އެކި ކަންކޮޅުތަކުގައި ރައީސް އބްރާހީމް މުޙައްމަދު ޞާލިޙްގެ ސަރުކާރުން ތަރައްގީކުރައްވަމުން ގެންދަވާ ކުޅިވަރު ވަސީލަތްތަކުގެ ތެރެއިން 50 ވަނަ ދަނޑު ވަރަށް އަވަހަށް ނިމޭނެކަމަށެވެ. އަދި މީގެ ކުރީގެ ސަރުކާރުތަކަށް ޓާފްއަޅައިގެން އަތޮޅުތެރޭގައި އެއްވެސް ބޮޑު ދަނޑެއް ހަދައި ދެވިފައި ނުވާކަން މަޚުލޫފް ފާހަގަކުރެއްވިއެވެ.

މަޚުލޫފް ވިދާޅުވީ، މިއަދު ކުޑަ ރަށެއް ބޮޑު ރަށެއް ތަފާތު ކުރުމެއްނެތްކަމަށާއި، މަޑުޖެހިފައިވާ ރަށްރަށުގެ މަސައްކަތްވެސް ކޮންޓްރެކްޓަރުންނަށް އިތުރަށް ބާރު އަޅައިގެން އަވަސް ކުރެވޭތޯ ދަނީ މަސައްކަތް ކުރައްވަމުން ކަމަށެވެ.

މިސަރުކާރުން ވަނީ އަތޮޅުތަކުގެ ޒުވާނުންގެ ކުޅިވަރުގެ ތަރައްޤީއަށްޓަކައި ގިނަ މަޝްރޫޢުތަކެއް ހިންގާފައެވެ. މިނިސްޓަރ މަޚުލޫފް ރައްޔިތުންގެ މަޖިލީހުގައި ވިދާާޅުވީ މަޝްރޫޢުތައް ނުނިމި ދިގުލައިގެން ދަނީ، އެ މަސައްކަތްތައް ކުރުމަށް އެކަށީގެންވާ މިންވަރަށް ކޮންޓްރެކްޓަރުން ނުލީބޭތީ ކަމަށެވެ.