ޣައްޒާއަށް އަރައިގެންފައިވާ އިޒްރޭލުގެ ހައްދުފަހަނަ އެޅި، ސަޙްޔޫނީ ސިފައިންގެ 5 މީހަކު ހަމާސްގެ މުޖާހިދުންގެ ހަމަލާތަކުގައި މަރާލައިފިކަމަށް އިޒްރޭލުން އެއްބަސްވެއްޖެއެވެ.

ޣައްޒާއަށް އަރައި އިޒްރާއީލުން ކުރަމުންދާ ހަނގުރާމައިިގައި، އިޒްރޭލު ސިފައިންގެތެރެއިން ގިނަ އަދަދެއްގެ ބަޔަކުވެސް ދަނީ މަރުވަމުންނެވެ. އެހެން ނަމަވެސް އިޒްރޭލުގެ އަސްކަރިއްޔާއިން ހަނގުރާމައިގައި ލިބޭ ނާކާމިޔާބީތައް ފޮރުވުމަށް ދަނީ މަސައްކަތް ކުރަމުންނެވެ.

ހަމާސްގެ މުޖާހިދުންގެ ހަމަލާތަކުގައި މަރާލައިފިކަމަށް މިއަދު އިޒްރޭލު އަސްކަރިއްޔާއިން އިޢުލާނު ކުރިި، ސިފައިންގެ ތެރޭގައި ހިމެނެނީ މުޅިންވެސް އުމުރުން 25 އަހަރުން ދަށުގެ މީހުންނެވެ. އޭގެ ތެރޭގައި ހިމެނެނީ 25 އަހަރުގެ ސިފައިންގެ ތިން މީހުންނާއި، 20 އަހަރާއި 19 އަހަރާއި ދެމެދުގެ ސިފައިންގެ ދެމީހުންނެވެ.

ޣައްޒާއަށް ވަދެފައިވާ އިޒްރޭލުގެ ސިފައިންގެ ތެރެއިން ގިނަ މީހުންނަކީ، ހަމާސްއާއި ދެކޮޅަށް ހަނގުރާމައަށް ނުކުތް ހަނގުރާމައިގެ ތަމްރީންތަކާއި ތަޖުރިބާތައް ލިބިފައި ނެތް މީހުންނަށް އިޒްރޭލުގެ އަސްކަރިއްޔާއިންވެސް ފާހަގަކޮށްފައިވެއެވެ.

ހަނގުރާމައިގައި ކާމިޔާބު ލިބެމުންދާކަން ދެއްކުމުގެ ގޮތުން ގިނަ އަދަދެއްގެ އާއްމުން ހައްޔަރުކޮށް އިޒްރޭލު ސިފައިން ދަނީ އެމީހުންނަކީ، ޣައްޒާގައި ހަރަކާތްތެރިވާ ހަމާސްގެ މުޖާހިދުންގެ ގޮތުގައި ދެއްކުމަށް މަސައްކަތް ކުރަމުންނެވެ.