Advertisement
މާލޭ ސިޓީގެ މޭޔަރު ކަމުގެ މަޤާމަށް ވާދަކުރައްވާ، އާދަމް އާޒިމް ---
ރަސްމީކޮށް އާދަމް އާޒިމްގެ ކެމްޕޭން ފެށުން އާދީއްތަ ދުވަހުގެ ރޭ
އެމްޑީޕީގެ ޓިކެޓްގައި މާލޭ ސިޓީގެ މޭޔަރުކަމަށް ވާދަކުރައްވާ އާދަމް އާޒިމްގެ ރަސްމީ ކެމްޕޭންފެށުން އާދިއްތަ ދުވަހުގެ ރޭ އޮންނާނެ ކަމުގައި އެމްޑީޕީން ބުނެފިއެވެ.
އާދަމް އާޒިމްގެ ކެމްޕޭން ރަސްމީކޮށް ފެށުމުގެ ހަރަކާތްތައް މިދިޔަ ބުރާސްފަތި ދުވަހުގެ ރޭ ބޭއްވުމަށް އެމްޑީޕީން ތައްޔާރުވި ނަމަވެސް އެރޭގެ މޫސުމް ތަން ނުދިނުމުގެ ސަބަބުން އެ ހަރަކާތް ފަސްކުރީއެވެ.
އެމްޑީޕީން ބުނީ، މާލެ ސިޓީ މޭޔަރ އަދި ކައުންސިލްގެ ހުސްވެފައިވާ 3 ދާއިރާއަށް ވާދަކުރާ އެމްޑީޕީގެ ކެންޑިޑޭޓުންގެ ކެމްޕޭން ރަސްމީކޮށް ފެށުމުގެ ޖަލްސާ އާދީއްތަ ދުވަހުގެ ރޭ ބޭއްވުމަށް ހަމަޖެހިފައި ވަނީ، ސޯސަން ޖަގަހަ ކުރިމަތީގައި ކަމަށެވެ.
އެމްޑީޕީގެ ޓްވީޓް --
ސަރުކާރުގެ ކުންފުނިތަކުގައި އިސްމަޤާމުތަކުގެ ފުރުއްވާފައިވާ އާދަމް އާޒިމަކީ، އާއްމުންގެ މެދުވައި ވަރަށް މަޤުބޫލު އަދި އާއްމުންގެ ޢިތުބާރު ލިބިފައިވާ ބޭފުޅެކެވެ. އަދި މާލޭ ސިޓީ ބަދަލުކޮށްލާނޭ ތަޞައްވަރުތަކެއް އޭނާ ގެންދަވަނީ ހުށައަޅުއްވަމުންނެވެ.
އެމްޑީޕީގެ ޓިކެޓުގައި އާޒިމް މާލޭ ސިޓީގެ މޭޔަރު ކަމުގެ މަޤާމަށް ވާދަކުރައްވާއިރު، އާޒިމްއާއެކު ދެން މިއިންތިޚާބުގައި ވާދަކުރައްވަނީ، ޕީޕީއެމް ޕީއެންސީގެ ޓިކެޓުގައި ވާދަކުރައްވާ ކުރީގެ ބަންޑާރަނައިބު އައިޝަތު އާޒިމާ ޝުކޫރާއި، ރައީސް ޔާމީނު އަލަށް އުފައްދަވާ ޕާޓީ ޕީއެންއެފްގެ ޓިކެޓްގައި ވާދަކުރައްވާނެކަމަށް ބެލެވޭ، ކުރީގެ ކޮމިޝަނަރ އޮފް ޕޮލިސް ހުސައިން ވަހީދު އަދި ޑިމޮކްރެޓްސްގެ ޓިކެޓުގައި މުހައްމަދު ސައިފް ފާތިހުއެވެ.
