ކުރިޔަށް އޮތް މާލޭ ސިޓީގެ މޭޔަރު އިންތިޚާބުގެ ބައި-އިލެކްޝަންގައި ވާދަކުރައްވާ އެމްޑީޕީގެ ކެންޑިޑޭޓް އާދަމް އާޒިމާއި، މާލެ ރަށްވެހިންގެ ޖަމިއްޔާއިން ބައްދަލުކޮށް ގްރޭޓަރ މާލެ ސަރަހައްދާއި ގުޅިގެން ހުރި ކަންބޮނޑުވުންތައް ހިއްސާކޮށްފިއެވެ.

މިބައްދަލުވުން ބާއްވާފައި ވަނީ މިއަދު އެމްޑީޕީގެ އޮފީހުގައެވެ. 

މިބައްދަލުވުމުގައި، މާލެ ރަށްވެހިންގެ ޖަމިއްޔާ އިން ވަނީ، ގްރޭޓަރ މާލެ ސަރަހައްދުގައި ހުރި ކަންބޮޑުވުންތައް ހިއްސާކޮށް އެކަންކަން ހައްލުކުރެއްވުމަށް އާދަމް އާޒިމް ގެންގުޅުއްވާނެ ސިޔާސަތުތަކާއި ގުޅޭ ގޮތުން މަޝްވަރާކުރައްވާފައެވެ. މި ބައްދަލުވުމުގައި އާދަމް އާޒިމް ވަނީ، މާލެ މޭޔަރު ކަމަށް އިންތިޚާބުވެއްޖެނަމަ ބިންވެރިޔާ ސްކީމްގެ ދަށުން ބިން ލިބުނު ހުރިހާ ފަރާތްތަކުގެ ޙައްޤުތައް ކަށަވަރުކުރުމަށް ކުރަންޖެހޭ ކޮންމެ ކަމެއް ޤާނޫނީ އިމުގެ ތެރެއިން ކޮށްދެއްވާނެ ކަމުގެ ފުރިހަމަ ޔަޤީންކަން، މާލޭގެ ރައްޔިތުންނަށް ދެއްވާފައެވެ.

މާލެ ސިޓީގެ މޭޔަރުކަމަށް ވާދަކުރައްވާ އާދަމް އާޒިމް ވަނީ، މާލޭ ރައްވެހިންގެ ޖަމިއްޔާއާއި ބައްދަކު ކުރެއްވުމުގެ އިތުރުން، މާލޭގައި ރައްޔިތުން ދިރިއުޅޭ ގޭގެއަށް ވަކިވަކިން ޒިޔާރަތްކުރައްވައި ހާލަތު ބައްލަވައި، ރައްޔިތުންނަށް އުއްމީދު އައުކޮށްދެއްވާފައެވެ.