ހއ.ދިއްދޫގައި އިސްލާމިކް ސެންޓަރެއް އިމާރާތްކުރުމަށް ކުންފުންޏާކާ ހަވާލުކޮށްފިއެވެ.

ބުރާސްފަތި ދުވަހުހެނދުނު އިސްލާމިކް މިނިސްޓްރީގެ ހޯލުގައި ބޭއްވި ރަސްމިޔާތެއްގައި “ދިއްދޫ އިސްލާމިކް ސެންޓަރު” އިމާރާތްކުރުމަށް ހަވާލުކޮށްފައިވަނީރަޝީދު ކާޕެންޓްރީ އެންޑް ކޮންސްޓްރަކްޝަން ޕްރައިވެޓް ލިމިޓެޑްއާ އެވެ.

ދިއްދޫ އިސްލާމިކް އެސެންޓަރު އިމާރާތްކުރުމުގެ އެއްބަސްވުމުގައިކުންފުނީގެ ފަރާތުން ސޮއިކުރެއްވީ އާރުސީސީގެ ޑިރެކްޓަރ އާދަމް ރަޙީމް އެވެ އިސްލާމިކް މިނިސްޓްރީގެ ފަރާތުން ސޮއި ކުރެއްވީ އިސްލާމިކް މިނިސްޓަ ޑރ. އަޙްމަދު ޒާހިރު ޢަލީއެ

ދިއްދޫގައި އިމާރާތްކުރާ އިސްލާމީ މަރުކަޒުގެ އެއްބަސްވުމުގައި ސޮއެކުރުމުގެ ރަސްމިއްޔާތުގެ ތެރެއިން ---

ދިއްދޫގައި އިމާރާތްކުރާ އިސްލާމީ މަރުކަޒުގައި، އެއްފަހަރާ 1500 މީހުންނަށް ނަމާދުކުރެވޭ ޖާގައިގެ އޭސީ މިސްކިތަކާއި، 450 މީހުންގެ ޖާގައިގެ މަލްޓި ޕަރޕާސް ހޯލަކާއި އިދާރީ އޮފީހަކާއި، ލައިބްރަރީއެއް އަދި 4 ކުލާސްރޫމާއި ދެ ސެމިނަރ ރޫމާއި ޕޭންޓްރީއެއް ހުންނާނެއެވެ. 

މިނިސްޓްރީ އޮފް އިސްލާމިކް އެފެއާޒުން ހާމަކޮށްފައިވާ ގޮތުގައި، ދިއްދޫގައި އަޅާ އިސްލާމީ މަރުކަޒު ފަރުމާކޮށްފައިވަނީ ކަރަންޓްގެ ޚަރަދު ކުޑަކުރުމުގެ ގޮތުން އިޢާދަކުރަނިވި ހަކަތަވެސް ބޭނުން ކުރެވޭ ގޮތަށެވެ.

މިމަޝްރޫއުގެ އަގަކީ، 50.8 މިލިޔަން ރުފިޔާއެވެ. ރަޝީދު ކާޕެންޓްރީ އެންޑް ކޮންސްޓްރަކްޝަން ޕްރައިވެޓް ލިމިޓެޑާއި މިމަޝްރޫޢު ހަވާލުކޮށްފައި ވަނީ 540 ދުވަހުގެ ތެރޭގައި މަސައްކަތް ނިންމާގޮތަށެވެ.