މާލޭގެ ފެނުގެ ނިޒާމް އަޕްގްރޭޑް ކުރުމުގެ މަސައްކަތެއް ކުރުމަށްޓަކައި މިރޭ ފަތިސްވާންދެން މާލޭގެ ބައެއް ސަރަހައްދުތަކުން ފެން ކަނޑައިލާނެ ކަމުގައި މާލޭ ވޯޓަރ އެންޑް ސެވަރޭޖް ކޮމްޕެނީ، އެމް.ޑަބުލިޔު.އެސް.ސީ އިން ބުނެފިއެވެ.

އެކުންފުންބުނީ، ޚިދުމަތުގެ ފެންވަރު ރަނގަޅު ކުރުމަށް ކުރަމުންދާ މަސައްކަތެއްގެ ބޭނުމަށްޓަކައި، މިރޭ 11:00 އިން ފެށިގެން ފަތިހު، 5:00 އާއި ހަމައަށް މާލޭގެ ބައެއް ސަރަހައްދުތަކުން ފެނުގެ ޚިދުމަތް އަދި ފެނުގެ ޚިދުމަތް މެދުކެނޑިގެން ދިޔުމުގެ ސަބަބުން ދިމާވެދާނެ ދަތިތަކަށްޓަކައި ކަސްޓަމަރުންގެ ފަރާތުން ނިހާޔަތަށް މަޢާފަށް އެދޭ ކަމުގައިވެސް އެކުންފުނިން ވަނީ ބުނެފައެވެ.

އެމް.ޑަބުލިޔު.އެސް.ސީން ބުނީ، މަސައްކަތްތައް ނިމޭ ވަރަކުން އަލުން ފެނުގެ ޚިދުމަތް ގުޅައިދެމުން ގެންދާނެ ކަމަށެވެ. އަދި އެކުންފުނިން މަސައްކަތް ކުރަނީ، ވީހާވެސް ފެންވަރު ރަނގަޅު ޚިދުމަތްތަކެއް ކަސްޓަމަރުންނަށް ފޯރުކޮށް ދިނުމަށްކަމުގައިވެސް އެކުންފުނިން ވަނީ ބުނެފައެވެ.