ދުބާއީ ޑިއުޓީ ފްރީ މިލޭނިއަމް މިލިއަނަރ ލަކީޑްރޯ ނެގުން ---
ދުބާއީ ޑިއުޓީ ފްރީ މިލޭނިއަމް މިލިއަނަރަކަށް ދިވެއްސަކު ހޮވިއްޖެ
ދުބާއީ ޑިއުޓީ ފްރީ މިލޭނިއަމް މިލިއަނަރގައި ހޮވާ އެއްމިލިއަން ޑޮލަރު ލިބޭ މިލިއަނަރަކަށް ދިވެއްސަކު ހޮވިއްޖެއެވެ.
ދުބާއީ ޑިއުޓީ ފްރީ މިލޭނިއަމް މިލިއަނަރގެ 442 ވަނަ މިލިއަނަރަކަށް ހޮވުނު މީހަކީ އަހުމަދު ނާސިރު ނަމަކަށް ކިޔާ ދިވެއްސެއްކަމުގައި، ގަލްފް ނިއުސްއިން ރިޕޯޓްކޮށްފައިވެއެވެ. އަދި އެކަން އިންތިޒާމްކުރާ ފަރާތަށް އަދި ދިވެހިމީހާ އާއި ނުގުޅޭ ކަމަށާއި، މިއީ ޑުބާއީ ޑިއުޓީ ފްރީ މިލޭނިއަމް މިލިއަނަރއަކަށް ދިވެއްސަކު ހޮވުނު ފުރަތަމަ ފަހަރުކަންވެސް އެފަރާތުން ހާމަކޮށްފައިވެއެވެ.
އެއްމިލިއަން ޑޮލަރު ލިބުނު ދިވެހި މީހާގެ ޓިކެޓް ނަމްބަރަކީ، 1174 ކަމަށާއި އޭނާ އޮންލައިންކޮށް އެޓިކެޓް ގަނެފައި ވަނީ މި ނޮވެމްބަރު މަހުގެ 16 ވަނަ ދުވަހުގައި ކަމަށްވެސް އެކަން އިންތިޒާމްކުރި ފަރާތުން ވަނީ ބުނެފައެވެ.
މީގެ އިތުރުން މިލަކީ ޑްރޯއިން ހޮވުނު އިތުރު ދެފަރާތަކަށް ވަނީ ލަގްޒަރީ ދެ ސައިކަލްވެސް ދީފައެވެ.
ސައިކަލްތައް ލިބިފައިވަނީ އަޒަރްބައިޖާންގެ މީހަކަށާއި އިންޑިއާ މީހަކަށެވެ.