ރައްޔިތުންގެ މަޖިލީހުގެ ނައިބު ރައީސާ އީވާ ޢަބުދުﷲ މަޤާމުން ވަކިކުރުމުގެ މައްސަލަ، މާދަމާ ބާއްވާ ރައްޔިތުންގެ މަޖިލީހުގެ ޖަލްސާއަށް އެޖެންޑާކޮށްފިއެވެ.

އީވާގެ އިތުބާރު ނެތްކަމުގެ މައްސަލަ މީގެ ކުރިންވެސް އެމްޑީޕީން މަޖިލީހަށް ހުށައެޅިއެވެ. އެހެން ނަމަވެސް މަޖިލީހުގެ ނިޒާމްގެ ތެރެއިން އިތުބާރު ނެތްކަމުގެ މައްސަަލަ ކުރިޔަށް ނުގެންގޮސް ހިފަހައްޓާފައި ވަނިކޮށް އެފަހަރު އެމްޑީޕީން އެމައްސަލަ އަނބުރާ ނެގީއެވެ.

އީވާގެ އިތުބާރު ނެތްކަމުގެ މައްސަލަ ރައްޔިތުންގެ މަޖިލީހަށް މިފަހަރު ހުށައެޅީ މަޖިލީހުގެ 50 މެމްބަރުންގެ ސޮޔާއިއެކުގައި ހުސްވި ނޮވެމްބަރު މަހުގެ 16 ވަނަ ދުވަހުގައެވެ.

ރައްޔިތުންގެ މަޖިލީހުގެ ރައީސް މުޙައްމަދު ނަޝީދުގެ އިތުބާރު ނެތްކަމުގެ މައްސަލަ މަޖިލީހުގައި ކުރިޔަށް ގެންދިޔަ ނުދިނުމަށް، މަޖިލީހުގެ ނިޒާމްތަކުގެ ތެރެއިން އީވާ މަސައްކަތް ކުރައްވާފައިވެއެވެ. މިގޮތުން އާލާސްކަންފުޅުއްވާ އުޅުއްވާ ކަމަށް ވިދާޅުވެ މަޖިލީހުގެ ޖަލްސާތަަކަށް ސަލާމް ފޮނުއްވަމުން ގެންދަވަނިކޮށް އެމްޑީޕީން ސްޕްރީމްކޯޓަށް ގޮސް އެމައްސަަލައަށް ހައްލެއް ހޯދިއެވެ. އަދި މަޖިލީހުގެ ތެރޭގައި ރައީސް ނަޝީދުގެ އިތުބާރު ނެތްކަމުގެ މައްސަލަ ކުރިޔަށް ގެންދެވޭނެ މަގު ފަހިވެ ޖަލްސާ އެޖެންޑާ ކުރުމާއިއެކު، ރައީސް ނަޝީދު ވަނީ އެންމެ ފަހުން މަޖިލީހުގެ ރައީސް ކަމުގެ މަޤާމުން އިސްތިއުފާ ދީފައެވެ.

އިވާގެ މައްޗަށް ހުށައަަޅާފައިވާ އިތުބާރު ނެތްކަމުގެ މައްސަލަ މާދަމާ ފާސްކުރާނެކަމަށް ބެލެވެއެވެ.