މަސްޖިދުލްސުލްޠާން މުޙައްމަދު ތަކުރުފާނުލްއައުޡަމް --
ޤައުމު އިސްލާޙްވާން އޮތީ ރައްޔިތުން އިސްލާޙްވެގެން - ހުކުރު ޚުޠުބާ
ޤައުމު އިސްލާޙް ކުރުމާއި މެދު ވިސްނަންޖެހޭ ކަންތައް އެބަހުރިކަމަށާއި، އިސްލާޙުވުން ފެށޭ ހިސާބަކީ ނަފުސްތައް އިސްލާޙްކުރުން ކަމުގައި މިއަދު ހުކުރު ޚުޠުބާގައި ބުނެފިއެވެ.
މިއަދު މުޅިރާއްޖޭގައި އިއްވި ޚުކުރު ޚުޠުބާގެ މައުޟޫއަކީ، "ޤައުމު އިޞްލާޙު ވުން އޮތީ ނަފްސުތައް އިޞްލާޙު ވެގެންނެވެ." މިމައުޟޫއެވެ.
މިއަދުގެ ހުކުރު ޚުޠުބާގައި ބުނެފައި ވަނީ، ތމާމެންގެ ވަށައިގެން ހިނގާ ކަންކަމާއި، ފެންނަމުންދާ މަަންޒަރުތަކާއި މެދު ވިސްނާ ފިކުރުހިންގައި ނުލައި ތިބުން ހެޔޮ ނުވާނެ ކަމަށެވެ. އަދި މުޖުތަމަޢުގައި ހިނގާ އެންމެހައި ފާހިޝް ކަންކަމާއި، މަސްތުވެގަތުމަށް ކުރެވޭ ހަޑިހުތުރު ކަންކަމާއި މާރާމާރީއާއި، މީސްތަކުންގެ ހައްޤުތަކަށް އަރައިގަތުމާއި، މީސް މީހުންގެ އަމިއްލަތަކެއްޗާއި، މިލްކިއްޔާތަށާއި، ދައުލަތުގެ ތަކެއްޗަށް ގެއްލުންދޭ ބަޔަކު، ގެއްލުންދީ އުޅެނީ ކީއްވެތޯ ބަލައި ނުލައި ތިބުންވެސް ހެޔޮ ނުވާނެ ކަމުގައި ޚުޠުބާގައި ވަނީ ބުނެފައެވެ. އަދި ހެދި ބޮޑިވަމުން އަންނަ ޒުވާނުންގެ ތެރެއިން ބައެއް ޒުވާނުންގެ އަޚުލާޤާއި ސްލޫކު ފާލުންނެއްޓިދަނީ ކީއްވެތޯ އާއި އެކަންކަމުން މުޅި ޤައުމު ސަލާމަތް ކުރުމަށް އޮތް މަގަކީ އަދި ހައްލަކީ ކޮބައިތޯ ސުވާލޮށް ނުލައި ތިބުން ހެޔޮ ނުވާނެކަމުގައިވެސް މިއަދުގެ ހުކުރު ޚުޠުބާގައި ވަނީ ބުނެފައެވެ.
ޚުތުބާގައި އިތުރަށް ބުނެފައި ވަނީ، ޤައުގައި އިސްލާޙް ކުރަންޖެހޭ ކަންތައްތައް އެބަހުރި ކަމަށާއި، އަދި އިސްލާޙްކުރަންޖެހޭ ކަންކަން ދެނެގަންނަން ޖެހިފައިވާ ކަމަށެވެ. މިގޮތުން އިސްލާޙްކުރަން ފެށޭ ހިސާބަކީ، ކޮންމެ އިންސާނެއްގެ އަމިއްލަ ނަފުސު ކަމަށާއި، އާއިލާ އާއި މުޖުތަމަޢުއާއި ޤައުމާއި މުޅި ދުނިޔެ އިސްލާޙްކުރަން ފެށޭ ހިސާބަކީވެސް އެއީ ކަމުގައި ޚުޠުބާގައި ވަނީ ބުނެފައެވެ. އަދި ނަފުސް އިސްލާޙްގެ މަގަށް އަޅުވައިފިނަމަ، އިންސާނީ މުޅި ޙަޔާތް އިސްލާޙްވެގެންދާނެކަމުގައިވެސް ޚުޠުބާގައި ވަނީ ބުނެފައެވެ.
ޚުތުބާގައި ބުނީ، އިންސާނުން ޖަނަވާރުންނާއި ތަފާތު ވަނީ އިންސާނީ ނަފްސުންކަމަށެވެ. އަދި ނަފްސުގެ ސަބަބުން އިންސާނާ އިންސާނަކަށް ވެގެން ދިޔައީ، ރޫޙާނީ ވުޖޫދާއި، މައުނަވީ ވުޖޫދުގެ ސަބަބުން ކަމުގައިވެސް ޚުޠުބާގައި ވަނީ ބުނެފައެވެ.