އާބަންކޯއިން ހުޅުމާލޭގައި ތަރައްޤީކުރި، ފިތުރޯނު ސްމާޓް ޕާކިންގ ޒޯނުން ޕާކިން ޖާގަ ކުއްޔަށްހިފަން ބޭނުންވާ ފަރާތްތަކަށް ފުރުޞަތު ހުޅުވާލައިފިއެވެ.

އެކުންފުނިން ބުނީ، ތިން އަހަރުގެ މުއްދަތަކަށް ޕާކިން ޒޯޯނުން ޖާގައެއް ކުއްޔަށް ހިފުމަށް ބީލަން ފެށޭ އަގަކީ، 1500ރ ކަމަށެވެ. މިގޮތުން ބީލަން ހުށަހަޅާ ފަރާތުގެ ކިބައިގައި ހުންނަންޖެހޭ މައިގަނޑު ޝަރުތުތަކަކީ، އުމުރުން 18 އަހަރު ފުރިފައިވާ ދިވެހި ރައްޔިތެއް ކަމުގައި ވުމާއި، ޕާކު ކުރަން ހުށައަޅާ އުޅަނދަކީ ބީލަން ހުށަހަޅާ ފަރާތުގެ ނަމުގައި ގްރޭޓަރ މާލޭ ސަރަހައްދުގައި ދުއްވުމަށް ރަޖިސްޓްރީ ކުރެވިފައިވާ އުޅަދަކަށްވުމެވެ.

މީގެ އިތުރުން މީގެ ކުރިން ހުޅުމާލެއިން ޕާކިން ޖާގައެއް ލިބިފައިވާ ފަރާތަކަށް ނުވުންވެސް ޝަރުޠުތަކުގެ ތެރޭގައި ހިމެނެއެވެ.

Advertisement

ހުޅުމާލެ ފެރީޓާމިނަލް ކައިރީގައި ހަދާފައިވާ، ފިތުރޯނު ސްމާޓް ޕާކިންގ ޒޯނަކީ، 23އަށް ވުރެ ގިނަ ކާރު ޕާކު ކުރެވޭ، އަދި ޕާކުކުރާ އުޅަނދުތައް 24 ގަޑިއިރު މޮނިޓަރކޮށް ބެލެހެއްޓޭ ޕާކިންގ ޒޯނެކެވެ.