ރޭ ބޮޑު ތަކުރުފާނު މަގުގައި ހިނގި އެކްސިޑެއްޓެއްގައި އަނިޔާވި 3 މީހުންގެ ހާލު ސީރިއަސް ކަމުގައި ފުލުހުންގެ އިދާރާއިން ބުނެފިއެވެ.

ފުލުހުންގެ އިދާރާއިން ބުނީ، ރޭ މާލޭ ދެުނު ފަރާތު ބޮޑު ތަކުރުފާނު މަގުން، ވިލާކޮލެޖުގެ ކިއުއައި ކެމްޕަސްގެ ކައިރީގައި އެކްސިޑެންޓް ހިނގިކަމުގެ ރިޕޯޓް ލިބިފައި ވަނީ، ރޭ 23:26 ހާއިރުގައި ކަމަށެވެ.

ދެސައިކަލެއްޖެހި ހިނގި މިއެކްސިޑެންޓްގައި، 3 މީހަަކަށް އަނިޔާވި ކަމަށާއި، އޭގެ ތެރޭގައި ހިމެނެނީ 2 ފިރިހެނުންނާއި އަންހެނެއް ކަމުގައިވެސް ފުލުހުންގެ އިދާރާއިންވަނީ ބުނެފައެވެ. ފުލުހުންގެ އިދާރާއިން ބުނީ އަނިޔާވި 3 މީހުންނަށްވެސް އައިޖީއެމް ހޮސްޕިޓަލްގައި ފަރުވާދެމުންދާއިރު، ތިން މީހުންގެ ހާލުވެސް ސީރިއަސް ކަމަށެވެ. 

ފުލުހުން ބުނީ އެ އެކްސިޑެންޓްގެ މައްސަލަ ތަޙްޤީޤުކުރަމުން ގެންދާ ކަމަށެވެ.