Advertisement

ރައްޔިތުންގެ މަޖިލީހުގެ ކުރީގެ ރައީސް މުހައްމަދު ނަޝީދު ---

29 Nov 2023
ޚަބަރު
ނޫން

ބޮޑު ވަޒީރަށް ވެވަޑައިގެންނެވުމުގެ ހުވަފެންފުޅު ރައީސް ނަޝީދު ދޫކޮށްލައްވައިފި

ކުރީގެ ރައީސުލްޖުމްހޫރިއްޔާ، އަދި ރައްޔިތުންގެ މަޖިލީހުގެ ކުރީގެ ރައީސް މުޙައްމަދު ނަޝީދު، ކުރިޔަށް އޮތް ދައުރުގައި، ރައްޔިތުންގެ މަޖިލީހުގައި އިންތިޚާބުގައި ވާދަނުކުރައްވާނެ ކަމުގައި ވިދާޅުވެއްޖެއެވެ.

އެމަނިކުފާނުގެ މިނިންމެވުން ހާމަކުރައްވާފައި ވަނީ، ރައްޔިތުންގެ މަޖިލީހުގެ މެމްބަރުން ތިއްބަވާ ވަޓްސް އެޕްގުރޫޕަަކަށް ފޮނުއްވި މެސެޖެއްގައެވެ. އެމެސެޖުގައި ރައީސް ނަޝީދު ވިދާޅުވެފައި ވަނީ، 20 ވަނަ ރައްޔިތުންގެ މަޖިލީހުގެ އިންތިޚާބުގައި އެމަނިކުފާނު ވާދަ ނުކުރައްވާނެ ކަމަށާއި، ދެން އުޅުއްވާނީ އެހެން މަސައްކަތްތަކުގައި ކަމަށެވެ. އެހެން ނަމަވެސް އެމަނިކުފާނު ސިޔާސީ މަސައްކަތުން ދުރަށް ވަޑައިގަންނަވާނެ ކަމުގައި ވިދާޅެއް ނުވެއެވެ.

ރައީސް ނަޝީދާއިއެކު މަސައްކަތްކުރެއްވި، ބައެއް މަޖިލިސް މެމްބަރުން ވިދާޅުވި ގޮތުގައި، ރައީސް ނަޝީދުގެ އެނިންމެވުމުން މޭރުންވެގެން ދަނީ، ވެރިކަމުގެ ނިޒާމް ބަދަލުކޮށް ބޮޑުވަޒީރަށް ވެވަޑައިގެންނެވުމަށް ފާއިތުވެ ދިޔަ ފަސް އަހަރުގެ ތެރޭގައި ކުރެއްވި މަސައްކަތް ދޫކޮށްލެއްވީ ކަމަށެވެ. އެހެން ނަމަވެސް އަލުން އަނެއްކާވެސް ސިޔާސީ މަސައްކަތުުގައި ބޮޑުވަޒީރުކަމަށް ވަޑައިގެންނެވުމަށް މަސައްކަތް ނުކުރައްވާނެ ކަމަށް ދަންނަވަން ނޭނގޭ ކަމުގައި އެމެމްބަރު ވިދާޅުވިއެވެ.

ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙާއި، ރައީސް ނަޝީދާއި ދެމެދު އުފެދުނު ނުތަނަވަސްކަންވެސް ގުޅެނީ، ރައީސް ނަޝީދު ދެކެވަޑައިގެންނެވި ބޮޑުވަޒީރުކަމުގެ ހުވަފެންފުޅާއެވެ. 19 ވަނަ ރައްޔިތުންގެ މަޖިލީހުގެ ހުރިހާ ދާއިރާއަކަށް އެމްޑީޕީން ވާދަކުރެއްވުމަށް ބާރު އެޅުއްވުމާއި، އަދި ރައީސް ނަޝީދު މަޖިލީހަށް ކުރިމަތިލެއްވުމާއި، އަދި މަޖިލީހުގެ ރައީސަކު ހޮވުމުގައި ކުޅުއްވި ޑްރާމާއަށް ފަހު، އެންމެ މަސްލަހަތު ހުރި ގޮތަކީ އެމަނިކުފާނު މަޖިލީހުގެ ރައީސް ކަމަށް ވަޑައިގެންނެވުން ކަމުގައި ވިދާޅުވެ ރައީސް ނަޝީދު މަޖިލީހުގެ ރައީސް ކަމުގެ މަޤާމަށް ވަޑައިގެންނެވިއެވެ.

މިހިނގާ 19 ވަނަ ރައްޔިތުންގެ މަޖިލީހަށް ރައީސް ނަޝީދު ހޮވިވަޑައިގަތީވެސް، ވަރަށް ކުޑަ ތަފާތަކުންނެވެ. އަދި އަލުން ރައްޔިތުންގެ މަޖިލީހުގެ އިންތިޚާބުގައި އެމަނިކުފާނު ވާދަކުރައްވައިފިނަމަ، ހޮވިވަޑައިނުގަތުމުގެ ފުރުޞަތުވެސް އޮތް ކަމަށާއި ސިޔާސީ ގޮތުން ރައީސް ނަޝީދު ހެއްދެވި ގޯސްތަކުގެ ސަބަބުން އާއްމުންގެ މެދުގައި އެމަނިކުފާނުގެ މަޤުބޫލުކަން ވަނީ ވަރަށް ބޮޑަށް ދަށަށް ގޮސްފައެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.