Advertisement
ފުލުހުންގެ މައި މަރުކަޒު ---
ހަށިވިއްކުމުގެ ވިޔަފާރި ކުރަމުން ދިޔަ ބޮޑު ގުރޫޕެއް ހައްޔަރުކޮށްފި
ހަށިވިއްކުމުގެ ވިޔަފާރި ކުރަމުން ދިޔަ ބިދޭސީންގެ 13 މީހުން ހައްޔަރިކޮށްފިއެވެ.
މި މީހުން ހައްޔަރުކޮށްފައި ވަނީ، ދިވެހި ފުލުހުންގެ ޚިދުމަތުގެ އެންޓި ހިއުމަން ޓްރެފިކިންގ ޑިޕާޓްމަންޓާއި އިންޓެލިޖެންސް އަދި އިމިގްރޭޝަން ގުޅިގެން ހިންގި މި އޮޕަރޭޝަނުގައި ރޭ މާލޭގެ ހަތަރު ތަނެއް ބަލައި ފާސްކޮށްގެން ކަމުގައި ފުލުހުން ވަނީ ބުނެފައެއެވެ.
ފުލުހުންގެ އިދާރާއިން ބުނީ އެމައްސަލައިގައި ހައްޔަރުކޮށްފައި ވަނީ، ބަނގުލަދޭޝްގެ 8 ފިރިހެނުންނާއި، ބަނގުލަދޭޝްގެ އަންހެނަކާއި، ތައިލެންޑްގެ ހަތަރު އަންހެނުން ކަމަށެވެ.
ފުލުހުން ބުނީ މިމައްސަލަ ތަޙްޤީޤު ކުރަމުންދާ ކަމަށެވެ.
މާލެ ސަރަހައްދާއި އަތޮޅުތަކުގައިވެސް ހަށިވިއްކުމުގެ ވިޔަފާރި ކުރާ ބިދޭސީންނާއި ދިވެހިންގެ އަދަދު އިތުރުވެ އެފަދަ މައްސަލަތަކުގައި ހައްޔަރު ކުރެވޭ މީހުންގެ ޢަދަދުވެސް ވަނީ އިތުރުވެފައެވެ.
