ކުރީގެ ނައިބު ރައީސް އަޙްމަދު ޢަދީބު ޢަބުދުލްޣަފޫރު، ސިންގަޕޫރަށް ދިރިއުޅުން ބަދަލުކުރެއްވިކަމަށް ބުނެ ފަތުރާފައިވާ ވާހަކަތައް އެމަނިކުފާނު ދޮގު ކުރައްވައިފިއެވެ.

އަދީބު ވިދާޅުވީ، ރާއްޖެއިން ބޭރަށް ވަޑައިގެން ހުންނެވީ ބޭސް ފަރުވާއަށް ކަމަށެވެ. އަދި ރާއްޖެ ދޫކުރައްވައި އެހެން ޤައުމެއްގައި ދިރިއުޅުއްވަން ޚިޔާލު ނުކުރައްވާކަމުގައިވެސް އަދީބު ވަނީ ވިދާޅުވެފައެވެ.

އަދީބު ވިދާޅުވީ، ބޭސްފަރުވާގެ ކަންކަން ނިމުމުން އެނބުރި ރާއްޖެވަޑައިގަންނަވާނެ ކަމަށާއި، މަރުވާންދެންވެސް ދިރިއުޅޭނީ ރާއްޖޭގައި ކަމަށެވެ.

އެމްއެމްޕީއާރްސީގެ ޚިޔާނާތުގެ ކުށް ސާބިތުވެ އަހުމަދު އަދީބުގެ މައްޗަށް އިއްވާފައިވާ ޖަލު ޙުކުމްތަކުން އޭނާ މިނިވަންވީ، މީގެ ދެ ހަފްތާކުރިންނެވެ.