ރައީސް ނަޝީދު ފިޔަވައި އެމްޑީގެ މަޖިލިސް މެމްބަރުންގެ ތެރެއިން "ފިކުރެއްގެ ދިރުމަށް" ތާއީދުކޮށްގެން ތިއްބެވި ހުރިހާ މެމްބަރުން އެޕާޓީން ވަކިވެ ވަޑައިގެންފިއެވެ.

އެމްޑީޕީއިން ވަކިވެ ވަޑައިގަތުމަށް ބާރަ މެމްބަރަކު ވަނީ އިލެކްޝަންސް ކޮމިޝަނަށް އެމެމްބަރުން އެމްޑީޕީގެ ދަފްތަރުން އުނިކޮށްދެއްވުމަށް އެދި ހުށައަޅުއްވާފައެވެ. އެމްޑީޕީގެ އަސާސީ ޤަވާއިދާއި ޚިލާފްވެގެން އެޕާޓީން ވަކިވެއްޖެކަމަށް ނިންމާފައިވާ، މެދު ހެންވޭރު ދާއިރާގެ މެމްބަރު އަލީ އާޒިމް އާއެކު ޖުމުލަ 13 މެމްބަރުން އެމްޑީޕީންވަކިވެވަޑައިގެންނެވި އިރު، މަޖިލީހުގައި އެމްޑީީއަށް އޮތް ސުޕަމެޖޯރިޓީ ވަނީ ގެއްލިފައެވެ. 

19 ވަނަ ރައްޔިތުންގެ މަޖިލީހުގެ މިދައުރާހަމަޔަށް އައި އިރު، ރައްޔިތުންގެ މަޖިލީހުގައި އެމްޑީޕީގެ 68 މެމްބަރުން ތިއްބެވެ. ފިކުރެއްގެ ދިރުމުގައި ހިމެނޭ ރައީސް ނަޝީދަށް ތާޢީދު ކުރައްވާ 13 މެމްރުން އެމްޑީޕީން ވަކިވެވަޑައިގެންނެވުމާއި އެކު މިހާރު އެޕާޓީގެ މަޖިލިސް މެމްބަރުންގެ ޢަދަދު 55އަށް ވަނީ ތިރިވެފައެވެ.

އެމްޑީޕީން 13 މެމްބަރުން ވަކިވެވަޑަިއގެންނެވުމާއި އެކުވެސް އެޕާޓީއަށް އަދިވެސް ރައްޔިތުންގެ މަޖިލީހުހައި ސާފު މެޖޯރިޓީ އެބައޮތެވެ.