ކުއްވެރީންނާއި އެއްހަމަޔަށް ޖިނާއީ އަދުލުގެ ނިޒާމްތަުގައި ހިމެނޭ އިދާރާތައްވެސް ތަރައްޤީވާން ޖެހޭ ކަމުގައި ރައީސުލްޖުމްހޫރިއްޔާގެ ނައިބު ފައިޞަލް ނަސީމް ވިދާޅުވެއްޖެއެވެ.

އެމަނިކުފާނު މިހެން ވިދާޅުވީ، މިއަދު ހޮޓެލްޖެންގައ ބޭއްވި، ކްރިމިނަލް ޖަސްޓިސް ސެކްޓަރ ހައިލެވެލް ކޮންފަރެންސް ފެށުމަށް ބޭއްވި ޖަލްސާ ޝަރަފްވެރިކޮށްދެއްވައި ދެއްކެވި ވާހަކަފުޅުގައެވެ.

އެމަނިކުފާނު ވިދާޅުވީ، ކުށްކުރާ ގޮތްތަކާއި ބޭނުންކުރާ ވަޞީލަތްތައް ބަދަލުވެފައިވާ ކަމަށާއި، ކުށްކުރުން ހުއްޓުވުމަށްޓަކައި ޖިނާއީ ޢަދުލުގެ ނިޒާމުގައި ހިމެނޭ ފަރާތްތަކުން ކުށްވެރީންނާ އަރައިހަމަކުރަންޖެހޭނެކަމަށެވެ.

ރައީސުލްޖުމްހޫރިއްޔާގެ ނައިބުގެ ވާހަކަފުޅުގައި ރާއްޖޭގައި އަދުލު އިންސާފު ޤާއިމް ކުރުމުގައި ތަންފީޒީ އިދާރާތަކަށް ކުރިމަތިވާ ގޮންޖެހުންތައްވެސް ވަނީ ފާހަގަކުރައްވާފައެވެ. މިގޮތުން އާބާދީ ކުޑަވުމާއި އެކަކު އަނެކަކު ދަތުންވެސް އެއީ އަސަރުފޯރާ ކަމެއްކަން ރައީސުލްޖުމްހޫރިއްޔާގެ ނައިބުގެ ވާހަކަފުޅުގައި ފާހަގަކުރެއްވިއެވެ.

ރައީސުލްޖުމްހޫރިއްޔާގެ ނައިބުގެ ވާހަކަފުޅުގައި ވިދާޅުވީ އަބަދުވެސް ރައްޔިތުންގެ އެންމެ ބޮޑު ޝަކުވާއަކަށް ވެފައި އޮންނަ އެއްކަމަކީ އަދުލު އިންޞާފު ކަމަށެވެ. އަދި ޖިނާއީ ޢަދުލުގެ ދާއިރާ ހަރުދަނާކުރުމަށް ފާއިތުވ ހަތަރު އަހަރުގެ ތެރޭގައި މިސަރުކާރުން ގިނަ މަސައްކަތްތަެކެއް ކުރައްވާފައިވާ ކަން ރައީސުލްޖުމްހޫރިއްޔާގެ ނައިބުގެ ވާހަކަފުޚުގައި ފާހަގަކުރެއްވިއެވެ.