ހުސްވި އޭޕްރީލް މަހުގެ 7 ވަނަ ދުވަހު، ނ މަނަދޫގައި މަރާލާފައި އޮއްވައި ފެނުނު ނަޢީމާ މޫސާގެ މަރުގެ ތަޙްޤީޤާއި ގުޅޭ މަޢުލޫމާތު، ކޮމިޝަނަރ އޮފް ޕޮލިސް މުޙައްމަދުު ޙަމީދު އާއިލާއާ ޙިއްޞާކުރައްވައިފިއެވެ.

ކޮމިޝަނަރ އޮފް ޕޮލިސް މުޙައްމަދު ޙަމީދު، ނަޢީމާގެ އާއިލާ އާ ބައްދަލު ކުރެއްވީ، މިހާރު އެމަނިކުފާނު، ނ އަތޮޅަށް ކުރައްވަމުން ގެންދަވާ ދަތުރުފުޅުގެ ތެރެއިންނެވެ. 

އުމުރުން 62 އަހަރުގެ ނަޢީމާ މޫސާ އޭނާ ދިރިއުޅެމުން ދިޔަ ގޭތެރޭގައި މަރާލާފައި އޮއްވައި ފެނުނުތާ މަހެއް ވެގެން ދިޔައިރު އަދިވެސް އެމައްސަލައިގެ ތުހުމަތު ކުރެވޭ އެއްވެސް މީހަކު ހައްޔަރުކޮށްފައެއް ނުވެއެވެ. އަދި ތަހުޤީޤަށް މާބޮޑު ކުރިއެރުމެއްވެސް ލިބުނު ކަމެއް އެނގިފައެއް ނުވެއެވެ.

އެހެން ނަމަވެސް ނައީމާގެ މަރުގެ މައްސަލައިގައި ތުހުމަތު ކުރެވޭ މީހަކު ހޯދުމަށް ފުލުހުން ދަނީ ފޮރެންސިކް ތަޙްލީލުތައްވެސް ކުރަމުންނެވެ.