ކުޅުދުއްފުށީ ކުޅިއަށް ފްލެމިންގޯތައް އެނބުރި އަތުވެއްޖެއެވެ.

2021 ވަނަ އަހަރުގެ އިރުވައި މޫސުމް ފެށެން ގާތްވެފައި ވަނިކޮށް، އުތުރުގެ އަތޮޅުތަކަށް ގިނަ އަދަދެއްގެ ފްލެމިންގޯތައް އައިސް އެކަމަށް ވަރަށް ބޮޑު ސަމާލުކަމެއް ލިބިގެން ދިޔައެވެ. މިއަހަރުގެވެސް އިރުވައި މޫސުމް ޑިސެމްބަރު މަހު 10 ގައި ފެށޭއިރު މިހާރު ވަނީ އުތުރުގެ އަތޮޅުތަކަށް ފްލެމިންގޯތައް އަންނަން ފަށާފައެވެ. މިގޮތުން މިއަދު ހެނދުނު ފްލެމިންގޯގެ 5 ދޫނި ވަނީ ކުޅުދުއްފުށީ ކުޅިއަށް އައިސްފައެވެ.

ދިވެހިން ގުޑުގުޑާ ދޫނީގެ ނަން ދީފައިވާ، ފްލެމިންގޯއަކީ މޫސުމީ ހިޖުރަކުރާ ދޫންޏެކެވެ. އެހެން ނަމަވެސް ރާއްޖެއިން މިދޫނި ފެނި އެންމެ ބޮޑު ސަމާލުކަމެއް ލިބިގެން ދިޔައީ 2021 ވަނަ އަހަރުގައެވެ.

2021 ވަނަ އަހަރު ކުޅުދުއްފުށީ ކުޅިއަށް ގިނަ އަދަދެއްގެ ދޫނި އައިއިރު އޭގެ ތެރެއިން ބައެއް ދޫނި އަހަރެއްހާ ދުވަހު، ކުޅުދުއްފުށީ ކުޅީގައި ދިރިއުޅުނެވެ.

މިދުވަސް ވަރަކީ، ހިޖުރަކުރާ ދޫނި ރާއްޖެއަށް އަންނަ ދުވަސްވަރަަކަށް ވުމާއިއެކު، އެފަދަ ދޫނި ނުހިފުމަށާއި އަދި އެތަކެއްޗަށް ގޯނާ ނުކުރުމަށް އެންވަޔަރަންމަންޓް ޕްރޮޓެކްޝަން އޭޖެންސީ އެޗްޕީއޭއިން ވަނީ އިލްތިމާސްކޮށްފައެވެ.

2021 ވަނަ އަހަރު ފްލެމިންގޯތައް ރާއްޖެއައި ދުވަސްވަރު އޭގެ ބައެއް ދޫނިތައް ހިފައި ވިއްކަން އުޅުނު ބައެއް މީހުންނާއި މެދު ޤާނޫނީ ފިޔަވަޅުތައްވެސް ވަނީ އަޅާފައެވެ.