އިލްމްވެރިންގެ ގުޅުމުގައި ހިމެނޭ ފަރާތްތަކާއި އެޖަމިއްޔާގެ އެދުމުގެ މަތިން ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް މިއަދު އެފަރާތްތަކާއި ބައްދަލު ކުރައްވައިފިއެވެ.

މިބައްދަލުކުރެއްވުން މިއަދު އޮތީ ރައީސުލްޖުމްހޫރިއްޔާގެ އޮފީހުގައެވެ. 

އިލްމުވެރިންގެ ގުޅުމުގައި ހިމެނޭ މެމްބަރުން ރައީސުލްޖުމްހޫރިއްޔާ އާއި ބައްދަލުކުރެއްވުމަށް ބޭނުންވެގެން ހުށައަޅާފައި ވަނީ މިމަހުގެ 10 ވަނަ ދުވަހުގައެވެ، މިއަދު އެ ބައްދަލުވުމާއި ގުޅޭ ގޮތުން ރައީސުލްޖުމްހޫރިއްުޔާގެ އޮފީހުން އެއްވެސް އެއްޗެއް ހާމަކޮށްފައެއް ނުވެއެވެ.

އެހެން ނަމަވެސް ޢިލްމުވެރިންގެ ގުޅުމުގެ ފަރާތުން ބުނީ، އެފަރާތްތަކުން ރައީސުލްޖުމްހޫރިއްޔާއަށް 3 ހުށައެޅުމެއް ހުށައެޅި ކަމަށެވެ. އޭގެ ތެރޭގައި ހިމެނެނީ، 

1) 241 ކޮމިޓީއަށް ސިޓީ ހިއްސާ ކުރުން.

2) ރާއްޖޭ ޚާއްޞަ އިޤްތިޞާދީ ސަރަޙައްދު ކަމަށް ޤާނޫނުގައި ބަޔާންކޮށްފައި ސަރަޙައްދާ މެދު، އިޓްލޮސްއިން ނިންމާފައިވާ ނިންމުން މުރާޖަޢާކުރުމަށް ހުށައެޅުން.

3) ޢިލްމުވެރިންގެ ގުޅުމުގެ އިސްނެގުމާއެކު، އީއީޒެޑް މައްސަލައިގައި ސަރުކާރުގެ މައުޤިފާ ދެކޮޅު ފަރާތްތަކާ އެކު ސަރުކާރުން ޕަބްލިކް ޑިބޭޓަކަށް ގޮސްދެއްވުން

ޢިލްމްވެރިންގެ ގުޅުމުގައި ހިމެނޭ، ދީނީ ޢިލްމުވެރިންނަކީ ސަރުކާރުކާރުގެ ސިޔާސަތުތަކަށް މީގެ ކުރިންވެސް ވަރަށް ބޮޑަށް ފާޑުވިދާޅޔވަމުން އައި ބޭފުޅުންތަކެއް ތިއްބެވި މަދަނީ ޖަމިއްޔާއެކެވެ. 

ރާއްޖެ މޮރިޝަސްގެ އިން ވަކިކޮށް އިޓްލޮސްއިން ނިންމި ނިންމުންތަކާއި ގުޅުުވައިގެން އެޖަމިއްޔާއިންވެސް ދަނީ އާއްމުކޮށް ސަރުކާރަށް ތުހުމަތުތައް ކުރަމުންނެވެ.

މިއަދު ޢިލްމުވެރިންގެ ގުޅުމުގައި ހިމެނޭ ފަަރާތްތަކުގެ އެދުމުގެ މަތިން އެފަރާތްތަކާ މިއަދު ރައީސުލްޖުމްހޫރިއްޔާ ބައްދަލު ކުރެއްވި އިރު އެޖަމިއްޔާގެ ހުށައެޅުންތަކާއި މެދު ސަރުކާރުން އެއްވެސް އެއްޗެއް ބުނެފައެއް ނުވެއެވެ.