Advertisement
މަޖިލީހުގެ ރައީސް މުޙައްމަދު އަސްލަމް ޖޭއެސްސީގެ މެމްބަރުކަމުގެ ހުވާކުރެއްވުން --
ޖުޑީޝަލް ސަރވިސް ކޮމިޝަނަށް އަސްލަމް ޢައްޔަނުކުރައްވައިފި
ޖުޑިޝަލް ސަރވިސް ކޮމިޝަންގެ މެންބަރުކަމަށް ރައްޔިތުންގެ މަޖިލީހުގެ ރައީސް، މުޙައްމަދު އަސްލަމް ޢައްޔަނުކުރައްވައިފިއެވެ.
އަސްލަމް ޖުޑިޝަލް ސަރވިސް ކޮމިޝަންގެ މެންބަރުކަމަށް ޢައްޔަނުކުރައްވައި، މަޤާމުގެ ހުވާކުރެއްވުމުގެ ރަސްމިއްޔާތު ބާއްވާފައި ވަނީ މިއަދު މެންދުރުފަހު ރައީސުލްޖުމްހޫރިއްޔާގެ އޮފީހުގައެވެ.
މިރަސްމިއްޔާތުގައި ރައީސުލްޖުމްހޫރިއްޔާ ވަނީ، ޖުޑިޝަލް ސަރވިސް ކޮމިޝަންގެ މެމްބަރުކަމަށް އަސްލަމް ޢައްޔަނުކުރެއްވި ކަމުގެ ލިޔުން އެމަނިކުފާނާއި ހަވާލުކުރައްވާފައެވެ.
Advertisement
ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްގެ ކުރިފުޅުމަތީގައި، އަސްލަމް ޖުޑިޝަލް ސަރވިސް ކޮމިޝަންގެ މެންބަރު ކަމުގެ ހުވާކުރައްވާފައި ވާއިރު، އެމަނިކުފާނަށް ހުވައިލައިދެއްވީ، ދިވެހިރާއްޖޭގެ އުއްތަމަ ފަނޑިޔާރު، އަލްއުސްތާޛު އަޙްމަދު މުޢުތަޞިމް ޢަދުނާނެވެ.
ޖުޑީޝަލް ސަރވިސް ކޮމިޝަން އެކުލެވިގެންވާ ގޮތަށް ބަލާއިރު، އެކޮމިޝަނުގައި ރައްޔިތުންގެ މަޖިލީހުގެ ރައީސް އިންނަވާނެއެވެ. ރައްޔިތުންގެ މަޖިލީހުގެ ރައީސްގެ މަޤާމަށް އަސްލަމް ހޮވިވަޑައިގެންނެވީ، އެމަޤާމުގައި ކުރިން ހުންނެވި، ކުރީގެ ރައީސް މުޙައްމަދު ނަޝީދު މަޤާމުން އިސްތިއުފާ ދެއްވުމުންނެވެ.
