Advertisement

ރައްޔިތުންގެ މަޖިލީހުގެ އައު ރައީސް މުޙައްމަދު އަސްލަމް ---

13 Nov 2023
ޚަބަރު

ރައްޔިތުންގެ މަޖިލީހުގެ ރައީސްގެ މަޤާމަށް އަސްލަމް އިންތިޚާބުކޮށްފި

ރައްޔިތުންގެ މަޖިލީހުގެ ރައީސް ކަމުގެ މަޤާމަށް، ހިތަދޫ އުތުރު ދާއިރާގެ މެމްބަރު މުހައްމަދު އަސްލަމް އިންތިޚާބުކޮށްފިއެވެ.

އަސްލަމް އެމަޤާމަށް އިންތިޚާބުކުރީ މިރޭ ބޭއްވި ރައްޔިތުންގެ މަޖިލީހުގެ ޖަލްސާގައި ބައިވެރިވެވަޑައިގެންނެވި މެމްބަރުންގެ މެދުގައި ނެގި ސިއްރުވޯޓުގައެވެ.

ރައްޔިތުންގެ މަޖިލީހުގެ ރައީސް ކަމުގެ މަޤާމަށް އަސްލަމް އިންތިޚާބުވީ، ވޯޓުގައި ބައިވެރިވެވަޑައިގެންނެވި، 71 މެމްބަރުންގެ ތެރެއިން 51 މެމްބަރުންގެ ވޯޓާއި އެކުގައެވެ. އަސްލަމްއާ ވާދަކުރެއްވި، ޢަލީ އާޒިމްއަށް ލިބިވަޑައިގަތީ 23 ވޯޓެވެ.

ރައްޔިތުންގެ މަޖިލީހުގެ ރައީސް ކަމުގެ މަޤާމަށް އަސްލަމް މި އިންތިޚާބުކުރީ، ރައްޔިތުންގެ މަޖިލީހުގެ ރައީސް ކަމުގައި ހުންނެވި، މުޙައްމަދު ނަޝީދު މިއަދު އެމަޤާމުން އިސްތިޢުފާ ދެއްވުމުންނެވެ. ނަޝީދު އިސްތިއުފާ ދެއްވީ، މަޤާމުގައި ދެމި ހުންނެވުމަށް 6 މަސް ދުވަހަށްވުރެ ގިނަ ދުވަހު އެކި ގޮތްގޮތަށް މަސައްކަތް ކުރެއްވުމަށް ފަހުގައެވެ.

މުޙައްމަދު އަސްލަމަކީ، 2005 ވަނަ އަހަރުން ފެށިގެން މެދު ކެނޑުމެއް ނެތި ރައްޔިތުންގެ މަޖިލީހުގެ މެމްބަރު ކަމުގައި ދެމި ހުންނެވި ބޭފުޅެކެވެ. މިގޮތުން 16 ވަނަ ރައްޔިތުންގެ މަޖިލީހާއި، 17 ވަނަ ރައްޔިތުންގެ މަޖިލީހާއ، 18 ވަނަ ރައްޔިތުންގެ މަޖިލީހާއި އަދި 19 ވަނަ ރައްޔިތުންގެ މަޖިލީހުގައިވެސް މުހިއްމު ކޮމިޓީތަކެއްގައި އިސްކޮށް ހަރަކާތްތެރިވެވަޑައިގެންނެވި މެމްބަރެކެވެ.

ރައްޔިތުންގެ މަޖިލީހުގެ ޖަލްސާ ފެށީ މިރޭ 22:00 ގައެވެ. އަދި މަޖިލީހުގެ ރައީސްގެ މަޤާމަށް އަލަށް އިންތިޚާބުވެ ވަޑައިގެންނެވި މަޖިލީހުގެ ރައީސް އަސްލަމްގެ ވާހަކަފުޅަށްފަހުގައި 00:00ގައި ވަނީ މަޖިލީހުގެ ޖަލްސާ ނިންމާލާފައެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.