Advertisement

ކުރީގެ ރައީސް މުޙައްމަދު ނަޝީދު --

13 Nov 2023
ޚަބަރު

ރައްޔިތުންގެ މަޖިލީހުގެ ރައީސް ކަމުގެ މަޤާމުން ރައީސް ނަޝީދު އިސްތިއުފާ ދެއްވައިފި

ރައްޔިތުންގެ މަޖިލީހުގެ ރައީސް ކަމުގެ މަޤާމު ދޫކޮށްނުލެއްވުމަށް، މެދު ކެނޑުމެއްނެތި 6 މަސްދުވަސް ވަންދެން މަސައްކަތް ކުރެއްވުމަށްފަހު އެންމެ ފަހުން އެ މަޤާމުން މިއަދު ރައީސް ނަޝީދު އިސްތިއުފާ ދެއްވައިފިއެވެ.

ރައްޔިތުންގެ މަޖިލީހުގެ ރައީސް ކަމުގެ މަޤާމުން ރައީސް ނަޝީދު އިސްތިއުފާ ދެއްވައިފިކަން ހާމަކުރެއްވީ، އެމަނިކުފާނުގެ އިތުބާރު ނެތްކަމުގެ މައްސަލަ ކުރިޔަށް ގެންދިޔުމަށް މިއަދު 4:00އަށް ތާވަލުކުރި ރައްޔިތުންގެ މަޖިލީހުގެ ޖަލްސާގެ ރިޔާސަތު ބެލެހެއްޓެވި، އައްޑޫ މަރަދޫ ދާއިރާގެ މެމްބަރު އިބްރާހިމް ޝަރީފް (މަވޯޓާ ޝަރީފް) އެވެ. އަދި ޝަރީފު ވަނީ ރައީސް ނަޝީދުގެ އިސްތިއުފާގެ ސިޓީ، މަޖިލީހުގެ ތަޅުމުގައި އިއްވަވައި، ރައީސް ނަޝީދުގެ އިތުބާރު ނެތްކަމުގެ މައްސަލަ ކުރިޔަށް ގެންދާނޭ ތަނެއް ދެން ނެތްކަމަށް ކަނޑައަޅުއްވައި މަޖިލީހުގެ ޖަލްސާ ނިންމަވާލައްވާފައެވެ.

އިސްތިއުފާގެ ސިޓީގައި ރައީސް ނަޝީދު ވަނީ އެމަނިކުފާނު މަޤާމުގައި އިތުރަށް ދެމިހުރެގެން މަޖިލީހަށް ލިބޭނެ ގެއްލުންތައް ބޮޑުކަމުގައި ފެންނާތީ އިސްތިއުފާ ދެއްވީކަމުގައި ވިދާޅުވެފައެވެ.

ރައީސް ނަޝީދުގެ އިތުބާރު ނެތްކަމުގެ މައްސަލަ، އެމްޑީޕީން ރައްޔިތުންގެ މަޖިލީހަށް ވެއްދުމުން، މަޤާމުގެ ނާޖާއިޒު ނުފޫޒާއި ބާރުތައް ބޭނުން ކުރައްވައިގެން ރައީސް ނަޝީދު ވަނީ، އިތުބާރު ނެތްކަމުގެ މައްސަލަ ކުރިޔަށް ގެންދިޔަ ނުދީ ހިފަހައްޓަވާފައެވެ.

ސިޔާސީ މަޝްރަޙް ދިރާސާކުރައްވާ ފަރާތްތަކުން ވިދާޅުވާ ގޮތުގައި، ރައީސް ނަޝީދު މަޤާމުން އިސްތިއުފާ ދެއްވީ، މަޤާމުގައި ގަދަބާރުން ދެމިހުންނެވުމަށް ކުރެއްވި މަސައްކަތްތައް ނާކާމިޔާބުވެ އިތުރަށް ކުރެއްވޭނެ ކަމެއް ނެތުމުން، އިތުބާރު ނެތްކަމުގެ ވޯޓުނަގައި މަޤާމުން ވަކިކުރުމުގެ ލަދުން ސަލާމަތްވެ ވަޑައިގެންނެވުމަށެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.