މަސްބާނަން ނުކުމެ އުޅުނު ގެމަނަފުށީ ދޯންޏެއް ބިންދައިގެން ގޮސް މެދުން ދެބުރިވެއްޖެއެވެ.

އެމްއެންޑީއެފުން ބުނީ، ބިންދައިގެން ގޮސްފައި ވަނީ، "އޯކިޑް 707" ނަމަކަށް ކިޔާ ދޯންޏެއް ކަމަށެވެ. އެދޯންޏަކީ، ގއ ގެމަނަފުށީ ދޯންޏެކެވެ.

އެމްއެންޑީއެފްއިން ބުނީ ހާދިސާގެ ރިޕޯޓް ލިބިފައި ވަނީ، މިއަދު ހެނދުނު 11:00 ހާއިރުގައިކަމަށާއި، އެހާދިސާގައި އެއްވެސް މީހަކަށް ގެއްލުމެއް ނުލިބޭ ކަމަށެވެ. ހާދިސާ ހިނގިއިރު، ދޯނީގައި 10 ދިވެހިންނާއި 13 ބިދޭސީން ތިއްބެވެ.

ބިންދައިގެން ދިޔަ ދޯންޏަކީ 111 ފޫޓުގެ ބޮޑު ދޯންޏެކެވެ.