Advertisement
ހދ. ކުޅުދުއްފުށި / ލަންދޫގެ، އަބްދުﷲ އިބްރާހިމް -- ފޮޓޯ: ޕޮލިސް
ކުޅުދުއްފުށިން މީހަކު ގެއްލިގެން ހޯދަނީ
ހދ. ކުޅުދުއްފުށިން އުމުރުން 39 އަހަރުގެ ދިވެހި ފިރިހެނަކު ގެއްލިގެން އޭނާ ހޯދުމުގެ މަސައްކަތް ކުރަމުންދާ ކަމުގައި ފުލުހުންގެ އިދާރާއިން ވިދާޅުވެއްޖެއެވެ.
ފުލުހުންގެ އިދާރާއިން ވިދާޅުވީ، ގެއްލިގެން ހޯދަމުން ދަނީ، ހދ. ކުޅުދުއްފުށި / ލަންދޫގެ، އަބްދުﷲ އިބްރާހިމް ކަމަށެވެ. އޭނާ އާއިލާއަށް ޚަބަރެއްނުވެ ގެއްލިފައިވާ ކަމަށް އާއިލާއިން ފުލުހުންނަށް ރިޕޯޓްކޮށްފައި ވަނީ އިއްޔެ ކަމުގައިވެސް ފުލުހުންގެ އިދާރާއިން ވިދާޅުވެފައިވެއެވެ.
އަބްދުﷲ އިބްރާހިމް އެންމެ ފަހުން ފެނިފައި ވަނީ މިމަހުގެ 2 ވަނަ ދުވަހު ކުޅުދުއްފުށިން ކަމަށާއި އޭގެ ފަހުން އޭނާގެ ޚަބަރެއް ވެފައި ނުވާތީ، އޭނާއާ ގުޅޭ އެއްވެސް މައުލޫމާތެއް ލިބިފައިވާ ފަރާތެއް ވާނަމަ ލަސްނުކޮށް އެމަޢުލޫމާތެއް ފުލުހުންނާއި ޙިއްޞާކޮށްދެއްވުމަށްވެސް ފުލުހުންގެ ފަރާތުން ވަނީ އިލްތިމާސްކުރައްވާފައެވެ.
