މިދުވަސްވަރު ރާއްޖެއަށް ކުރަމުންދާ ވިއްސާރަގައި ކުރިއަށްއޮތް ވަގުތުތަކުގައި މޫސްމްގޯސް ވާނެތީ މޫސުމާއި ބެހޭ ޤައުމީ އިދާރާއިން ވައިޓް އެލާޓް ނެރެފިއެެވެ.

މޫސުމާއި ބެހޭ އިދާރާއިން ވައިޓް އެލާޓް ނެރެފައި ވަނީ، އެންމެ އުތުރުގެ ތިން އަތޮޅު ފިޔަވައި މުޅި ރާއްޖެއަށެވެ. މިގޮތުން ނ އަތޮޅުން ފެށިގެން އައްޑޫ ސިޓީއާ ދެމެދުގެ ހުރިހާ ސަރަހައްދަކަށް ވައިޓްއެލާޓް ނެރެފައި ވަނީ މިރޭގެ 19:00 އިން ފެށިގެން މެންދަމު 1:00އަށެވެ.

މޫސުމާއި ބެހޭ ޤައުމީ އިދާރާއިން ވިދާޅުވީ، މިވިއްސާރައިގައި ގަޑިއަކު 19 މޭލާއި 24 މޭލު ބާރުމިނުގައި ވައިޖެހޭނެ ކަމަށާއި، ވިލާގަނޑުގައި ގަޑިއަކު، 45 މޭލު ބާރުމިނުގައި ވައިޖެހޭނެ ކަމަށާއި ކަނޑުތައްވެސް ގަދަވާނެ ކަމަށެވެ.

ރާއްޖޭގެ ދެކުނުން ފޯޅަވަހި ކައިރީގައި ތޫފާނެއް އުފެދިފައިވާއިރު ބޭ އޮފް ބެންގޯލްގައި އުފެދުނު ތޫފާން މޯޗާ މިހާރު ވަނީ ބަނގުލަދޭޝްއާ މިޔަންމާއަށް އަރައިފައެވެ.