ސައުތު އޭޝިއާގެ ސަރަޙައްދުގައި އިސްލާމިކް ފައިނޭންސް ދާއިރާ ފުޅާކޮށް، މުޖުތަމައުއަށް ފައިދާކުރާނޭހެން އިޖާދީ ވިސްނުމަކުން ޚިދުމަތްތައް ބައްޓަންކޮށް ތައާރަފްކުރާ ފަރާތްތަކުގެ އަގުވަޒަން ކުރުމުގެ ގޮތުން، ސްރީލަންކާގެ އެޑިއު ކޮންސަލްޓުން އިންތިޒާމުކުރާ އިފްސާ އެވޯޑުގެ މުހިންމު އެވޯޑެއް މިފަހަރުވެސް އަޔާދީ ތަކާފުލްއިން ހާސިލްކޮށްފިއެވެ. 

އޮކްޓޯބަރ 26 ވަނަ ދުވަހު ބޭއްވި އިފްސާ އެވޯޑް ހަފްލާގައި އަޔާދީއަށް މިފަހަރުވެސް ލިބިފައިވަނީ، މިދިޔަ ހަތަރު އަހަރު ވެސް އެ ކުންފުނިން ހޯދާފައިވާ "ތަކާފުލް ވިންޑޯ އޮފް ދަ އިޔާ" ކެޓަގަރީއިން ގޯލްޑް އެވޯޑެވެ. މިއާއިއެކު އަޔާދީ ތަކަފުލް މިވަނީ، މި އެވޯޑު ވިދިވިދިގެން ފަސް ފަހަރު ހާސިލްކޮށްފައެވެ. އެއީ 2018، 2019، 2020، 2021 އަދި 2022 ގެ ގޯލްޑް އެވޯޑެވެ. 

އިފްސާ އެވޯޑް ސީރީސްގައި މީގެ ކުރިން އަޔާދީ ތަކާފުލްއިން ހާސިލްކޮށްފައިވާ އެވޯޑުތަކުގެ ތެރޭގައި، 2017 ވަނަ އަހަރު ހާސިލްކުރި "ހައްޖު އަދި އުމްރާ ތަކާފުލް" އަށް ލިބުނު "އިނޮވޭޓިވް ޕްރޮޑަކްޓް އޮފް ދަ އިޔާ" އާއި 2021 ވަނަ އަހަރު ހާސިލްކުރި "އަހަރެންގެ ހިޔާ" އަށް ލިބިފައިވާ "އިނޮވޭޓިވް ޕްރޮޑަކްޓް އޮފް ދަ އިޔާ" ސިލްވާ އެވޯޑް ހިމެނެއެވެ.

Advertisement

އެލައިޑް އިންޝުއަރެންސްގެ އިސްލާމިން ވިންޑޯ، އަޔާދީ ތަކާފުލްއަށް މިހާރު ނުވަ އަހަރު ފުރިފައިވާއިރު، މިއީ ރާއްޖޭގައި ފުރިހަމަ އިންޝުއަރެންސް ހައްލު ފޯރުކޮށްދިނުމުގެ މަގުސަދުގައި އެލައިޑުގެ ކުޑައިގެ ދަށުން ހުޅުވި ކުންފުންޏެކެވެ. އަދި އަޔާދީ ތަކާފުލް އަކީ އިސްލާމިކް އިންޝުއަރެންސްގެ ހިދުމަތް ދޭން ފެށި ދިވެހި ފުރަތަމަ ކުންފުންޏެވެ.