ޓީޓީ އެސޯސިއޭޝަން ޗެމްޕިއަންޝިޕްގެ ފިރިހެން ސިންގަލްސް ފައިނަލް މެޗުގައި 4-2 ސެޓުން މޫސާ މުންސިފް އަޙްމަދު ބަލިކުރުމަށްފަހު، މުޙައްމަދު ޝައްފާން އިސްމާއީލް ތަށި އުފުލާލައިފިއެވެ.

މިއީ މި މުބާރާތުގެ ތައްޓާއި އެންމެ ރަށްޓެހި ކުޅުންތެރިޔާ ބަލިކޮށް، ޝައްފާން މި މުބާރާތް ކާމިޔާބުކުރި ފުރަތަމަ ފަހަރެވެ. އަދި މިއީ ފައިނަލް މެޗެއްގައި ޝައްފާނަށް މުންސިފް ބަލިކުރެވުނު ދެވަނަ ފަހަރެވެ. މީގެ ކުރިން މިދިޔަ އަހަރުގެ ގައުމީ މުބާރާތުގެ ތަށި ވެސް ޝައްފާން ހޯދީ މުންސިފް ބަލިކުރުމަށްފަހުއެވެ.

މެޗުގެ ފުރަތަމަ 2 ސެޓު ނަގާ، އުއްމީދު ބޮޑުކުރީ މުންސިފްއެވެ. އެ ދެ ސެޓް މުންސިފް ގެންދިޔައީ 11-7 އަދި 11-4 އިންނެވެ.

ނަމަވެސް ފަހުން މުންސިފްއަށް ހެދެމުން ދިޔަ ގޯސްތަކުގެ ނަތީޖާއަށްވީ، އިތުރު އެއްވެސް ސެޓެއް ނުދީ ޝައްފާން 4 ސެޓު ކާމިޔާބު ކުރުމެވެ. މި ސެޓުތައް ޝައްފާން ކާމިޔާބު ކުރީ 11-3، 11-9، 13-11 އަދި 11-3 އިންނެވެ.

ސިންގަލްސް ތަށީގެ އިތުރުން ޝައްފާންވަނީ ޑަބަލްސް ތައްޓާއި މިކްސް ޑަބަލްސް ތަށި ވެސް ކާމިޔާބުކޮށްފައެވެ. ޑަބަލް ތަށި ކާމިޔާބުކުރީ މުޙައްމަދު ތާބިން ޝުޖާއުއާ އެކުއެވެ. އަދި މިކްސް ޑަބަލްސް ކާމިޔާބުކުރީ ދީމާއާއެކުއެވެ.