Advertisement
ދ.ކުޑަހުވަދޫގައި އިމާރާތްކުރުމަށް ހަމަޖެހިފައިވާ ހޮސްޕިޓަލްގެ ކުރެހުން ---
ކުވައިތު ފަންޑުގެ އެހީގައި 7 ރަށެއްގައި އިމާރާތްކުރާ ހޮސްޕިޓަލްތަކުގެ އެއްބަސްވުންތަކުގައި ހޯމަ ދުވަހު ސޮއެކުރަނީ
ކުވައިތު ފަންޑު އެހީގައި 7 ރަށެއްގައި އަޅާ ހޮސްޕިޓަލްތަކުގެ އެއްބަސްވުންތަކުގައި ސޮއިކުރުން މާދަމާ އޮންނާނެކަމުގައި މިނިސްޓްރީ އޮފް ހެލްތުން ވިދާޅުވެއްޖެއެވެ.
އެމިނިސްޓްރީން ވިދާޅުވީ، މާދަމާ އެއްބަސްވުންތަކުގައި ސޮއެކުރުމަށް ހަމަޖެހިފައި ވަނީ، ހދ.ހަނިމާދޫ، ށ.މިލަންދޫ، ނ.ވެލިދޫ، ކ.ތުލުސްދޫ، އދ.މާމިގިލި، ވ.ފެލިދޫ އަދި ތ.ވިލުފުށީގައި އިމާރާތްކުރާ ހޮސްޕިޓަލްތަކުގެ އެއްބަސްވުމުގައެވެ. ކުވައިތު ފަންޑުގެ އެހީގައި އިމާރާތްކުރާ މި ހޮސްޕިޓަލްތަކަކީ 30 އެނދުގެ ހޮސްޕިޓަލްތަކެވެ.
މިއަހަރުގެ ބައިނަލްއަޤުވާމީ ޞިއްޙަތުގެ ދުވަސް ފާހަގަކުރުމަށް ބޭއްވި ޖަލްސާގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވަނީ މިހޮސްޕިޓަލްތަކުގެ ބީލަން ނިމި މިހަފްތާގެެ ތެރޭގައި މަސައްކަތްތައް ކުންފުނިތަކާއި ހަވާލުކުރައްވާނެ ކަމުގައި ވިދާޅުވެފައެވެ.
މިހޮސްޕިޓަލްތަކުގެ މަސައްކަތް ކުންފިނިތަކާއި ހަވާލުކޮށް އެއްބަސްވުންތަކުގައި ސޮއެކުރުމުގެ ރަސްމިއްޔާތު ބޭއްވުމަށް ހަމަޖައްސާފައި ވަނީ، މިނިސްޓްރީ އޮފް ހެލްތުގައެވެ.
