Advertisement
ފިއުލް ސަޕްލައިސް މޯލްޑިވްސް (އެފްއެސްއެމް)ގެ މެނޭޖިން ޑިރެކްޓަރަކަށް، ރައްޔިތުންގެ މަޖިލިހުގެ ތިނަދޫ ދާއިރާގެ ކުރީގެ މެމްބަރު މުހައްމަދު ގަސަމް --
މުހިއްމު އެއްވެސް ލިޔެކިޔުމެއް ނައްތާލާފައެއް ނުވާނެ: އެފްއެސްއެމް
ފިއުލް ސަޕްލައި މޯލްޑިވްސްއިން އެކުން ފުނީގެ މުހިއްމު އެއްވެސް ލިޔެކިޔުމެއް ނައްތާލާފައި ނުވާނެ ކަމުގައި އެކުންފުނިން ބުނެފިއެވެ.
އެކުންފުނިން މިހެން ބުނެފައިވަނީ، އެކުންފުނީގެ ލިޔެކިޔުންތަކެއް ނައްތާލަމުންދާކަމަށް ތުހުމަތުކޮށް ބައެއް ފަރާތްތަކުން ސޯޝަލް މީޑިއާގައި އެކުންފުންޏާއި މެދު ފަތުރަމުންދާ ވާހަކަތަކުގެ ޙަޤީޤަތް ހާމަކޮށްދީ ނެރުނު ނޫސް ބަޔާނެއްގައެވެ.
އެފްއެސްއެމްއިން ނެރުނު ނޫސްބަޔާނުގައި ބުނީ، އެކުންފުނިން ނައްތާލާފައި ވަނީ، ކުންފުންޏަށް ކޮންމެހެން ބޭނުން ނުވާ ގިނަ ދުވަސްވެފައި ހުރި ލިޔެކިޔުންތައް ކަމަށެވެ. އަދި އެފަދަ ލިޔެކިޔުންތައް ނައްތާލުމަކީ ކުންފުނިން ކުރަމުން އަންނަ ކަމެއް ކަމުގައި އެފްއެސްއެމްގެ ބަޔާނުގައި ބުނެފައި ވެއެވެ.
ފިއުލް ސަޕްލައި މޯލްޑިވްސްއިން ބުނީ. މީސްމީޑިއާގައި ދައުރުވަމުންދާ ވީޑިއޯ އާއި ގުޅިގެން އިދާރީގޮތުން ބަލަންޖެހޭ ކަންކަން އެކުންފުނިން ބަލަން ފަށާފައިވާ ކަމަށެވެ. އަދި އެފްއެސްއެމްއާ ގުޅޭ ގޮތުން ދައުލަތުގެ އެއްވެސް މުއައްސަސާއަކުން އެއްވެސް މަޢުލޫމާތެއް ސާފުކުރަން ބޭނުންނަމަ އެކަމަށް ކުންފުނިން މަރުހަބާ ކިޔާނެ ކަމުގައި ވެސް އެފްއެސްއެމް އިން ނެރުނު ބަޔާނުގައި ބުނެފައިވެއެވެ.
