ފަރުމާ އިންޓަރނޭޝަނަލް ޔޫތު އާޓް ފެސްޓިވަލް 2023 ނިންމާލައިފިއެވެ.

މިފެސްޓިވަލް ކުރިޔަށް ގެންދިޔައީ، މިމެއިމަހުގެ 8 އިން 13އަށް ސޯޝަލް ސެންޓަރުގައެވެ.

މިފެސްޓިވަލްގައި ދުނިޔޭގެ 8 ޤައުމަކުން 80 ވުރެ ގިނަ ފަންނު ވެރިން ވަނީ ބައިވެރިވެފައެވެ. މިގޮތުން ރާއްޖެއިން ބޭރުގެ 10 އާޓިސްޓަކު، މިފެސްޓިވަލްގައި ބައިވެރިވިއެވެ.

Advertisement

ރާއްޖޭގައި ބޭއްވުނު ފަރުމާ އިންޓަރނޭޝަނަލް ޔޫތު އާޓް ފެސްޓިވަލް 2023 އަކީ، މިހާތަނަށް ރާއްޖޭގައި ބޭއްވުނު ހަމައެކަނި މިފަދަ އިންޓަރނޭޝަނަލް ފެސްޓިވަލެވެ. މެއި 8 ވަނަ ދުވަހުގެ ރޭ މި ފެސްޓިވަލް ހުޅުއްވައިދެއްވީ ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙެވެ.

ފެސްޓިވަލް ހުުޅުއްވައި ދެއްވުަމަށްފަހު އެމަނިކުފާު ދެއްކެވި ވާހަކަފުޅުގައި، ރާއްޖޭގައި ތިބި ފަންނުވެރިންނާއި ހުނަރުވެރީން އަދި މަސައްކަތްތެރީންކުރައްވާފައިވާ އަގުހުރި ތާރީޚީ މަސައްކަތްތައް ފާހަގަކުރެއްވިއެވެ. އަދި ވިދާޅުވީ، ދިވެހިރާއްޖެއަކީ ތަފާތު ހުނަރުތަކުން ފުރިފައިވާ އެތައް ފަންނުވެރިންނެއްގެ ފާޑުވެރިކަމަށް ހެކިދޭ ދިގު ތާރީޚެއް އޮތް ޤައުމެއްކަން ފާހަގަކުރައްވައި ރާއްޖޭގައި ފެންނަންހުރި ފަންނުވެރި އާސާރުތަކުގެ މިސާލުތައް އެމަނިކުފާނު ދެއްކެވިއެވެ.

ފަރުމާ އިންޓަރނޭޝަނަލް ޔޫތު ފެސްޓިވަލް ހުޅުވުމުގެ ގޮތުން ބޭއްވި ޖަލްސާގައި ވާހަކަފުޅު ދައްކަވަމުން ޔޫތު މިނިސްޓަރ އަޙްމަދު މަޚުލޫފު ވިދާޅުވީ، އެމިނިސްޓްރީން ކުރާ ހަަމައެކަނި މަސައްކަތަކީ، ފުޓްސަލް ދަނޑުތައް އެޚުމާއި ކުޅިވަރުކުޅުން ނޫންކަން، އެފެސްޓިވަކްގެ ސަބަބުން އެނގިގެންދާނެ ކަަމަށެވެ.

ފަރުމާ އިންޓަރނޭޝަނަލް ޔޫތު އާޓް ފެސްޓިވަލް 2023އަކީ، މޯލްޑިވްސް އާޓިސްޓް ކޮމިއުނިޓީއާ މިނިސްޓަރ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަރމަންޓް ގުޅިގެން ބައިނަލްއަޤުވާމީ ފަރާތްތަކަށް ހުޅުވާލައިގެން ބޭއްވި ފެސްޓިވަލެކެވެ.