Advertisement

ފޮޓޯ ކްރެޑިޓް: އެކްޝަން އިމޭޖަސް ފިލްމް

21 Oct 2023
ކުޅިވަރު

އިންގްލެންޑްގެ ވޯލްޑް ކަޕް ތަރި، ސަރ ބޮބީ ޗާލްޓަން މަރުވެއްޖެ

1966 ވަނަ އަހަރު އިންގްލެންޑުން ވޯލްޑް ކަޕް ކާމިޔާބުކުރުމުގައި މުހިއްމު ދައުރެއް އަދާކުރި، އަދި މެންޗެސްޓާ ޔުނައިޓެޑްގެ ލެޖެންޑް ސާރ ބޮބީ ޗާލްޓަން އުމުރުން 86 އަހަރުގައި މަރުވެއްޖެއެވެ. އޭނާގެ އާއިލާއިން ހާމަކޮށްފައިވާ ގޮތުގައި އޭނާ މަރުވީ ހޮނިހިރު ދުވަހުގެ ހެނދުނުއެވެ

އިންގްލެންޑް ގައުމީ ޓީމާއެކު ޗާލްޓަން ޖުމްލަ 106 މެޗު ކުޅެފައިވާއިރު، ގައުމީ ޓީމަށް އޭނާ ވަނީ 49 ގޯލް ކާމިޔާބުކޮށްދީފައެވެ. އެއީ އޭރު އިނގިރޭސީންގެ ރެކޯޑު އަދަދެކެވެ. އަދި މެންޗެސްޓަރ ޔުނައިޓެޑަށް ކުޅުނު 17 އަހަރުގެ ކެރިއަރުގައި އޭނާ ވަނީ ތިން ލީގު ތައްޓާއި، ޔޫރަޕިއަން ކަޕަކާއި އެފްއޭ ކަޕެއް ހޯދައިފައެވެ. މީގެ އިތުރުން، ކާމިޔާބު ވޯލްޑް ކަޕަކަށްފަހު، އޭނާވަނީ 1966 ވަނަ އަހަރުގެ ބެލަން ޑިއޯ އެވޯޑް ވެސް ހާސިލްކޮށްފައެވެ.

ޗާލްޓަން މަރުވުމާ ގުޅިގެން ޔުނައިޓެޑުން ވަނީ އޭނާ އެ ޓީމަށް ކޮށްދިން ހިދުމަތްތަކުގެ ހަނދާން އާކޮށްފައެވެ. އަދި ޔުނައިޓެޑުން އޭނާ ސިފަކޮށްފައި ވަނީ އެ ކްލަބުގެ ތާރީހުގައި ވެސް އެންމެ މޮޅު އަދި ސަޕޯޓަރުންނާއި މުޅި ޓީމު އެންމެ ލޯބިވި އެއް ކުޅުންތެރިޔާގެ ގޮތުގައެވެ.

ޗާލްޓަންގެ މަރަށްފަހު 1966 ވަނަ އަހަރުގެ ވޯލްޑް ކަޕް ކުޅުނު އިންގްލެންޑް ކުޅުންތެރިންގެ ތެރެއިން މިހާރު ދުނިޔޭގައި ހުރީ، އެ މުބާރާތުގެ ފައިނަލުގައި އިންގްލެންޑުން ވެސްޓް ޖާރމަނީ 4-2 އިން ބަލިކުރި މެޗުގައި ހެޓްރިކް ހެދި ފޯވާޑް ސަރ ޖެފް ހަރސްޓް އެކަންޏެވެ.

ޗާލްޓަންއަކީ 1958 ވަނަ އަހަރުގެ ފެބްރުއަރީ މަހު މެންޗެސްޓަރ ޔުނައިޓެޑުގެ ކުޅުންތެރިން ދަތުރުކުރި މަތިންދާ ބޯޓެއް ވެއްޓުނު ހާދިސާގައި ސަލާމަތްވި ކުޅުންތެރިއެކެވެ. މި އެކްސިޑެންޓެއްގައި 23 މީހުން މަރުވިއިރު، އޭގެ ތެރޭގައި ޔުނައިޓެޑުގެ 8 ކުޅުންތެރިން ހިމެނެއެވެ

ކޮމެންޓް
އިތުރު އާޓިކަލް
04 Apr 2025
ރާއްޖެ އޮތީ ފައިސާ ޗާޕުކުރަންޖެހޭ ހާލަތުގައި ނޫންކަމަށް ޔައުޤޫބު ވިދާޅުވެއްޖެ
ރާއްޖެ އޮތީ ފައިސާ ޗާޕުކުރަންޖެހޭ ހާލަތުގައި ނޫންކަމަށް ދާންދޫ ދާއިރާގެ ކުރީގެ މެންބަރު ޔައުގޫބް އަބްދުﷲ ވިދާޅުވެއްޖެއެވެ.
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.