ބިންވެރިޔާ ސްކީމްގެ ދަށުން ހުޅުމާލެއިން ގޯތި ދޫކުރުމަށް ހިއްކާ ހުޅުމާލެ 3 ގެ ފުރަތަމަ ބައިގެ ބިންހިއްކައި ނިމިފައިވާކަމުގައި، އާބަންކޯއިން ބުނެފިއެވެ.

އެކުންފުނިން ބުނީ، ފުރަތަމަ މަރުހަލާގައި ހިއްކުމަށް ނިންމާފައިވާ 10 ހެކްޓަރުގެ ބިން މިހާރު ހިއްކައި ނިމިފައިވާ ކަމަށެވެ. އަދި ދެވަނަ މަރުހަލާގައި 53 ހެކްޓަރުގެ ބިން ހިއްކުމަށް ހަމަޖެހިފައިވާ އިރު، އެބައިގެ މަސައްކަތް މިހާރު ފަށާފައިވާ ކަމުގައިވެސް އާބަންކޯއިން ވަނީ ބުނެފައެވެ.

މާލެ ސަރަހައްދަށް ކުރިމަތިވެފައިވާ ބޯހިޔާވަހިކަމުގެ ދަތިކަން ހައްލުކުރުމަށް ސަރުކާރުން ހިންގާ ބިންވެރިޔާ މަޝްރޫޢަށް ބޭނުންވާ ބިން ހުޅުމާލެ ފަޅުންނާއި، ގިރާވަރުފަޅުން އަދި އުތުރު ތިިލަފަޅުން ހިއްކުމަށް ސަރުކާރުން ވަނީ ނިންމާފައެވެ. 

ހުޅުމާލެއިން ޖުމުލަ 63 ހެކްޓަރުގެ ބިން ހިއްކުމަށް އޮތީ ނިންމާފައެވެ.