Advertisement
މޯލްޑިވިއަންގެ ފްލައިޓެއް --
ކުޅުދުއްފުށީ އެއާޕޯޓުގެ ރަންވޭގެ ލައިޓްޖަހައި ނިމި ޓެސްޓް ދަތުރުކޮށްފި
ކުޅުދުއްފުށީ އެއާޕޯޓުގެ ރަންވޭގެ ލައިޓްޖަހައި ނިމި ޓެސްޓް ދަތުރުކޮށްފިއެވެ.
ކުޅުދުއްފުށި އެއާޕޯޓް ހިންގަމުން އަންނަ ރީޖަނަލް އެއާޕޯޓްސް ކޮމްޕެނީ ލިމިޓެޑް (އާރުއޭސީއެލް) އިން ނެރުނު ބަޔާނުގައި ބުނެފައިވަނީ، ރޭގަނޑު އެއާޕޯޓަށް ފްލައިޓް ޖެއްސުމަށްޓަކައި ރަންވޭގެ ލައިޓިންގ ސިސްޓަމް ޤާއިމްކޮށް ނިންމައި މިދިޔަ ބުރާސްފަތި ދުވަހުގެ ރޭގައި ފުރަތަމަ ޓެސްޓް ފްލައިޓް ޖައްސާފައިވާ ކަމަށެވެ.
މިއީ ރީޖަނަލް އެއާޕޯޓްސް ކޮމްޕެނީ ލިމިޓެޑް (އާރުއޭސީއެލް) ހިންގާ ހަ އެއާޕޯޓުގެ ތެރެއިން ރޭގަނޑު ފްލައިޓްތައް ޖެއްސޭނެ ގޮތަށް މިހާރު ތަރައްޤީކުރެވިފައިވާ 4 ވަނަ އެއާޕޯޓެވެ.
ކުޅުދުއްފުށީ އެއާޕޯޓް ބިނާކޮށްފައި ވަނީ، ކުޅުދުއްފުށީގައި އޮތް މަށިކުޅިން ބައެއް ހިއްކައިގެން 2018 ވަނަ އަހަރު ރައީސް ޔާމީނުގެ ސަރުކާރުންނެވެ. އެއާޕޯޓަށް ޓެސްޓް ފްލައިޓް ޖައްސައި، ރައީސް ޔާމީނު އެއާޕޯޓު ހުޅުއްވައި ދެއްވި އިރު އެ އެއާޕޯޓުގައި އޮތީ ރަންވޭގެ ތާރުގަނޑު އެކަންޏެވެ.
