Advertisement

ފޮޓޯ: އެފްއޭ މޯލްޑިވްސް

15 Apr 2023
ކުޅިވަރު
މިފްތާޙް މުޙައްމަދު

ދަގަނޑޭގެ ދެ ގޯލާއެކު ސަސް އަށް ބޮޑު މޮޅެއް

މިހާރު ކުރިއަށްދާ ޕްރެޒިޑެންޓްސް ކަޕް 2023 ގެ ދެވަނަ މެޗުގައި މުބާރާތުގެ އެންމެ ފަހުގެ ޗެމްޕިއަން ކްލަބް ވެލެންސިއާ އަދި ސުޕަރ ޔުނައިޓެޑް ސްޕޯޓްސް (ސަސް) ބައްދަލުކުރި މެޗު ބޮޑު ތަފާތަކުން ސަސް ކާމިޔާބު ކޮށްފިއެވެ.

ހުކުރު ދުވަހުގެ ރޭ ކުޅުނު މި މެޗު ސަސް އިން ކާމިޔާބުކުރީ 5-0 ގެ ނަތީޖާއަކުންނެވެ. މެޗުގެ ފުރަތަމަ ގޯލު ސަސްއަށް ކާމިޔާބު ކޮށްދިނީ އެޓީމުގެ ޖާރޒީގައި ފުރަތަމަ ފަހަރަށް ގަލޮޅު ދަނޑަށް ނިކުތް, އަދި ދިވެހި ރާއްޖެ މިހާތަނަށް ދެކުނު އެންމެ ހުނަރުވެރި ކުޅުންތެރިޔާ އަލީ އަޝްފާގު (ދަގަނޑޭ) އެވެ. އޭގެ ދެ މިނެޓު ފަހުން އިބްރާޙިމް އަތީގް ކާމިޔާބު ކޮށްދިން ގޯލާއިއެކު, ފުރަތަމަ ހާފު ނިމުނީ 2-0 ގެ ނަތީޖާއަކުންނެވެ.

ދެވަނަ ހާފުގައި ސަސްގެ 3 ވަނަ ގޯލު ކާމިޔާބު ކޮށްދިނީ މުޙައްމަދު ސަޚާއު (ބޭލް) އެވެ. މިއީ ސީދާ ކޯނަރަކުން އޭނާ ކާމިޔާބު ކޮށްދިން ގޯލެކެވެ. އަދި އޭގެ 3 މިނެޓު ފަހުން, ޕެނަލްޓީ އޭރިޔާ ބޭރުން ގޯލަށް އަމާޒުކޮށް ބާރު ހަމަލާއެއް ފޮނުވާލާ, ދަގަނޑޭ އޭނާގެ 2 ވަނަ ގޯލު ކާމިޔާބު ކުރިއެވެ. ސަސްގެ 5 ވަނަ ގޯލު ކާމިޔާބު ކޮށްދިނީ މެޗު ނިމެން ކުޑަތަން ވެފައިވަނިކޮށް އަޙުމަދު ހަމީދުއެވެ

މެޗުން ބަލިވި ނަމަވެސް, ކްލަބް ވެލެންސިއާގެ އިލާން އިމްރާންއަށް އެއީ ވަރަށް ޙާއްސަ މެޗެކެވެ. ސަބަބަކީ މި މެޗާއެކު އޭނާއަކީ ދިވެހި ރާއްޖޭގެ ފުޓުބޯޅައިގެ ތާރީހުގައި ޕްރޮފެޝަނަލް ލެވެލްގައި ކުޅުނު އެންމެ ހަގު ކުޅުންތެރިޔާ ކަމުގައި ވެގެން ދިއުމެވެ. މި މެޗު ކުޅުނު އިރު އިލާންގެ އުމުރަކީ 14 އަހަރާއި, 2 މަހާއި އަދި 28 ދުވަހެވެ. ސީދާ މި ޝަރަފު ނުލިބުނަސް, ވެލެންސިއާގެ އީތަން ޒަކީ ވެސް މި ވަނީ ސަސްއާ ދެކޮޅަށް ކުޅެ, ޕްރޮފެޝަނަލް ފުޓުބޯޅައިގެ ފުރަތަމަ ފިޔަވަޅު އަޅާފައެވެ. އިލާން އަށް ވުރެއް އީތަން ދޮށިވަނީ މަދު ދުވަސްކޮޅެއްގެ ތަފާތުންނެވެ. މި މެޗު ކުޅުނު އިރު އީތަންގެ އުމުރަކީ 14 އަހަރާއި 5 މަހާއި 8 ދުވަހެވެ. މި ދެކުޅުންތެރިންނަކީ ނިމިދިޔަ އިންޓަ ސްކޫލް ފުޓުބޯޅަ މުބާރާތުން ވަރަށް ގިނަ ބައެއްގެ ލޮލުގައި އަޅައިގަނެފައިވާ ވަރަށް ހުނަރުވެރި ދެ ކުޅުންތެރިންނެވެ

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.