ގޯތި ވައްކަމުގެ ތުހުމަތުވި މީހުންނަށް އެޅި ފިޔަވަޅުތައް އުވާލައިފި

ވަގު ޑޮކިއުމެންޓް ބޭނުންކޮށްގެންނާއި، ބިންވެރިޔާ ސްކީމުގައި ނުހިމެނޭ ބަޔަކަށް ގޯތިތަކެއް ދިން މައްސަލައިގައި އެޗްޑީސީގެ ކުރީގެ މެނޭޖިންގ ޑައިރެކްޓަރ އިބްރާހީމް ފަޟުލް ރަޝީދު ހިމެނޭހެން އެޗްޑީސީގެ އިސްވެރިންނާއިކު ޖުމުލަ 20 މީހެއްގެ ޕާސްޕޯޓު ހިފަހައްޓައި ފުރުން މަނާކުރިއެވެ. އެހެން ނަމަވެސް އެ އެންމެންގެވެސް ޕާސްޕޯޓުތައް ހިފަހައްޓައި ދަތުރުކުރުން މަނާކޮށްފައި އޮތް އޮތުން މިހާރު ވަނީ ދޫކޮށްލާފައިކަމުގައި މައުލޫމާތު ލިބިފައިވެއެވެ. އެހެން ނަމަވެސް އެމައްސަލައިގެ ތަޙްޤިޤާއި ގުޅޭ ގޮތުން މިހާތަނަށް ފުލުހުން އެކަށީގެންވާ މައުލޫމާތެއް ހާމަކޮށްފައެއް ނުވެއެވެ.

ޑިއުޓީފްރީން ސިނގިރޭޓް ބޭރުކުރި މީހުން ބަންދުން ދޫކޮށްލައިފި

ފުލުހުންގެ އިދާރާއިން ވިދާޅުވީ، އެމައްސަލައިގައި ހައްޔަރުކޮށްފައި ވަނީ، ދަފްތަރު ނަމްބަރު ރސ 14358 އުމުރުން 38 އަހަރުގެ ޔޫސުފް ނަޛީރު އާއި މ. ސިލްވަރ ނެސްޓް އުމުރުން 45 އަހަރުގެ އަޙްމަދު އަފްޞަލް ކަމަށެވެ. އެދެމީހުންގެ ބަންދާއިމެދު ގޮތެއް ނިންމުމަށް ކޯޓަށް ހާޟިރު ކުރުމުން ޝަރުޠުތަކަކާއި އެކު ދޫކޮށްލާފައިވާ ކަމަށް ފުލުހުންގެ އިދާރާއިން ވިދާޅުވިއެވެ. މިމައްސަލައިގައިހައްޔަރުކުރި ނަޛީރަކީ ފުލުހެކެވެ. އެހެން ނަމަވެސް އޭނާ އާއި މެދު ފުލުހުންގެ އިދާރާއިން އެޅީ ކޮން ފިޔަވަޅެއް ކަމެއް ފުލުހުންގެ އިދާރާއިން ހާމަކޮށްފައެއް ނުވެއެވެ.